കോട്ടയം: നിരോധിത പുകയില ഉത്പന്നങ്ങളും ലഹരി വസ്തുക്കളും വിൽക്കുന്ന കോട്ടയത്തെ .വമ്പൻ കച്ചവടക്കാരൻ ഒടുവിൽ പോലീസ് വലയിൽ. ചിക്കു എന്ന് വിളിക്കുന്ന കോട്ടയം മണിപ്പുഴ കോടിമത
മഠത്തിൽ പറമ്പിൽ സുജേഷ് ആണ് പിടിയിലായത്. ഇയാളുടെ വീട് കേന്ദ്രീകരിച്ച് പോലീസ് നടത്തിയ റെയ്ഡിൽ നിരോധിത പുകയില ഉത്പന്നങ്ങളായ ഹാൻസും കൂൾലിപ്പും പിടിച്ചെടുത്തു.
സ്കൂൾ കുട്ടികൾക്ക് വിൽപന നടത്തുന്നതിനായി സൂക്ഷിച്ചിരുന്ന ലഹരി ഉൽപ്പന്നങ്ങളാണ് പൊലീസ് സംഘം പിടിച്ചെടുത്തത്
നിരോധിത ലഹരി ഉൽപന്നങ്ങളുടെ നഗരത്തിലെ മൊത്തക്കച്ചവടക്കാരനാണ് ഇയാൾ .
കോടിമത കൊടൂരാറിന് സമീപമുള്ള ഇയാളുടെ വീട്ടിലാണ് ലഹരി ഉൽപന്നങ്ങൾ സൂക്ഷിച്ചിരുന്നത്.
ഏറെ നാളായി പോലീസ് ഇയാളെ നിരീക്ഷിച്ചു വരികയായിരുന്നു. ലഹരിവസ്തുകൾ പിടികൂടിയിട്ടും വീണ്ടും എത്തുന്നത് എവിടെ നിന്ന് എന്നായിരുന്നു പോലീസിന്റെ നിരീക്ഷണം. ഒടുവിലാണ് ചിക്കുവിന്റെ ഹാൻസ് മൊത്തകച്ചവടത്തെക്കുറിച്ച് ജില്ലാ പൊലീസ് മേധാവിക്ക് രഹസ്യ വിവരം ലഭിച്ചത്.
ഓപ്പറേഷൻ തൂഫാൻ്റെ ഭാഗമായി കോട്ടയം ജില്ലാ പോലീസ് മേധാവി സാബു മാത്യു ഐപിഎസിന്റെ നിർദ്ദേശപ്രകാരം നർകോട്ടിക്ക് സെൽ ഡിവൈഎസ്പി യു ശ്രീജിത്തിന്റെ നേതൃത്വത്തിലുള്ള സംഘമാണ് ചിക്കുവിനെ പിടികൂടിയത്.
