എന്തൊക്കെ ചെയ്തിട്ടും കറന്റ് ബില് കുറയുന്നില്ല?രാത്രിയിൽ പ്ലഗ് ചെയ്ത് വെക്കുന്നത് നിർബന്ധമായും ഒഴിവാക്കേണ്ട ആറ് പ്രധാന ഉപകരണങ്ങൾ ഏതൊക്കെയെന്ന് നോക്കാം

പല വീടുകളിലും രാത്രി ഉറങ്ങാൻ കിടക്കുമ്പോഴും ഒട്ടുമിക്ക ഇലക്ട്രോണിക് ഉപകരണങ്ങളും പ്ലഗ് ചെയ്തു തന്നെ വെക്കാറുണ്ട്. ചില ഉപകരണങ്ങൾ അങ്ങനെ വെക്കുന്നത് യാതൊരു അപകടവും ഉണ്ടാക്കുന്നില്ലെങ്കിലും,

മറ്റു ചിലത് അമിതമായി ചൂടാകാനും വൈദ്യുതി പാഴാകാനും ഒടുവിൽ വലിയ അപകടങ്ങൾക്കും കാരണമായേക്കാം.

നിങ്ങളുടെ പണം ലാഭിക്കാനും വീടിന്റെ സുരക്ഷ ഉറപ്പാക്കാനും രാത്രിയിൽ പ്ലഗ് ചെയ്ത് വെക്കുന്നത് നിർബന്ധമായും ഒഴിവാക്കേണ്ട ആറ് പ്രധാന ഉപകരണങ്ങൾ ഏതൊക്കെയെന്ന് നോക്കാം.

ഹെയർ ഡ്രയറുകൾ, ഫ്ലാറ്റ് അയേണുകൾ, കേളിങ് അയേണുകൾ എന്നിവ വളരെ വേഗത്തിൽ ഉയർന്ന താപനിലയിൽ എത്തുന്നവയാണ്.

ഇവ രാത്രി മുഴുവൻ പ്ലഗ് ചെയ്ത് വെക്കുമ്പോൾ എന്തെങ്കിലും തകരാറുകൾ ഉണ്ടായാൽ അമിതമായി ചൂടാകാൻ സാധ്യതയുണ്ട്.

ഇവ ടവലിന്റെ മുകളിലോ മറ്റ് പ്രതലങ്ങളിലോ വെക്കുന്നത് പെട്ടെന്ന് തീപിടുത്തത്തിന് കാരണമായേക്കാം. ഉപയോഗ ശേഷം ഇവ പ്ലഗ് ഊരി സുരക്ഷിതമായ സ്ഥലത്ത് സൂക്ഷിക്കാൻ എപ്പോഴും ശ്രദ്ധിക്കുക.

ടിവി, ഗെയിം കൺസോളുകൾ, കേബിൾ ബോക്സുകൾ എന്നിവ ഒരിക്കലും പൂർണമായി ഓഫ് ആകുന്നില്ല. ഇവ എപ്പോഴും ഒരു സ്റ്റാൻഡ്‌ബൈ മോഡിലായിരിക്കും പ്രവർത്തിക്കുന്നത്.

ഇത് ഉപകരണങ്ങൾ ചൂടാകാനും വൈദ്യുതി അനാവശ്യമായി പാഴാകാനും കാരണമാകുന്നു. ഇതിനുപുറമെ, മഴക്കാലത്തോ മറ്റോ ഉണ്ടാകുന്ന വോൾട്ടേജ് വ്യതിയാനങ്ങൾ ഇത്തരം ഉപകരണങ്ങൾക്ക് കേടുപാടുകൾ വരുത്താനും സാധ്യതയുണ്ട്.

ഉറങ്ങുന്നതിന് മുൻപ് ഇവയുടെ പ്ലഗ് ഓഫ് ചെയ്യുന്നത് വൈദ്യുതി ബിൽ കുറയ്ക്കാനും ഉപകരണങ്ങളുടെ ആയുസ് വർധിപ്പിക്കാനും സഹായിക്കും.

ബാറ്ററി 100% ചാർജ് ആയിക്കഴിഞ്ഞാലും ഫോണുകളും ലാപ്ടോപ്പുകളും ചെറിയ തോതിൽ വൈദ്യുതി ഉപയോഗിച്ചുകൊണ്ടിരിക്കും.

തുടർച്ചയായുള്ള ഈ ചാർജിങ് ബാറ്ററിയുടെ ചൂട് വർധിപ്പിക്കുകയും ലിഥിയം-അയൺ ബാറ്ററികളുടെ ആയുസ് കുറയ്ക്കുകയും ചെയ്യുന്നു

. പ്രത്യേകിച്ച് കിടക്കയിലോ തലയിണയ്ക്കടിയിലോ വെച്ച് ചാർജ് ചെയ്യുന്നത് ചൂട് പുറത്തുപോകാൻ അനുവദിക്കാത്തതിനാൽ അപകടസാധ്യത വളരെ കൂടുതലാണ്. അതിനാൽ, രാത്രി മുഴുവൻ ഇവ ചാർജ് ചെയ്യാൻ വെക്കുന്നത് ഒഴിവാക്കുക.

4. അടുക്കള ഉപകരണങ്ങൾ

കോഫി മേക്കറുകൾ, ടോസ്റ്ററുകൾ, ഇലക്ട്രിക് കെറ്റിലുകൾ തുടങ്ങിയ ഉപകരണങ്ങളിലെ ഹീറ്റിങ് ഘടകങ്ങളിൽ ചെറിയ തകരാറുകൾ ഉണ്ടായാൽ പോലും അപകടം സംഭവിക്കാം. രാത്രി മുഴുവൻ പ്ലഗ് ചെയ്ത് വെക്കുമ്പോൾ ഇവ അമിതമായി ചൂടാകാനും സമീപത്തുള്ള പേപ്പർ ടവലുകളിലോ തടി കൊണ്ടുള്ള ക്യാബിനറ്റുകളിലോ തീപിടിക്കാനും സാധ്യതയുണ്ട്. ഉപയോഗം കഴിഞ്ഞയുടനെ ഇവ പ്ലഗ് ഊരി വെക്കുന്നത് ഇത്തരം അപകടങ്ങൾ ഒഴിവാക്കാൻ സഹായിക്കും.