മുംബൈ: മുംബൈ കുര്ളയിലെ ഘാട്കോപ്പര് ചിരാഗ് നഗറിലുള്ള ഗൗസിയ ചാളില് ബുധനാഴ്ച പുലര്ച്ചെയുണ്ടായ ഉരുള്പൊട്ടലില് ആറുപേര് മരിച്ചു.
പുലര്ച്ചെ 3:48-ഓടെ കുന്നിടിഞ്ഞ് നിരവധി വീടുകള്ക്ക് മുകളിലേക്ക് വീഴുകയായിരുന്നു. അവശിഷ്ടങ്ങള്ക്കിടയില് അഞ്ച് ആളുകള് കുടുങ്ങിക്കിടക്കുന്നതായി സംശയിക്കുന്നു.
ദുരന്തനിവാരണ സേനയും ഫയര്ഫോഴ്സും പോലീസും ചേര്ന്ന് പ്രദേശത്ത് തിരച്ചില് നടത്തുന്നുണ്ട്.
മണ്ണിനടിയില് കുടുങ്ങിക്കിടക്കുന്നവരെ കണ്ടെത്താന് വിക്ടിം ഡിറ്റക്ഷന് ക്യാമറകള് ഉള്പ്പെടെയുള്ള ആധുനിക ഉപകരണങ്ങളാണ് രക്ഷാപ്രവര്ത്തകര് ഉപയോഗിക്കുന്നത്.
സംഭവത്തില് പരിക്കേറ്റ സൊഹേല് അന്സാരി (18), മുഹമ്മദ് അന്സാരി (14) എന്നിവരെ സമീപത്തെ ആശുപത്രിയില് പ്രവേശിപ്പിച്ചു; ഇവരുടെ നില തൃപ്തികരമാണ്.
ദുരന്തസ്ഥലം സന്ദര്ശിച്ച മുംബൈ മേയര് ഋതു താവ്ഡെ, കൊല്ലപ്പെട്ടവരുടെ കുടുംബങ്ങള്ക്ക് മൂന്ന് ലക്ഷം രൂപ വീതം സാമ്പത്തിക സഹായം പ്രഖ്യാപിച്ചു. ഘാട്കോപ്പര് പോലീസ് കേസെടുത്ത് തുടരന്വേഷണം ആരംഭിച്ചിട്ടുണ്ട്.
