കോട്ടയം : ജില്ലാ ആയുർവേദ ആശുപത്രിയിൽ പുതുതായി നിർമ്മിച്ച ഫ്രണ്ട് ഓഫീസിൻ്റെയും ആയുർവേദ സിദ്ധ പകർച്ചവ്യാധി പ്രതിരോധ ക്യാമ്പിൻ്റെയും ഉദ്ഘാടനം ( 11-7-2026 ) കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ അവർകൾ നിർവഹിച്ചു.
ജില്ലാ പഞ്ചായത്ത് പ്രസിഡന്റ് ശ്രീ. ജോഷി ഫിലിപ്പ് അധ്യക്ഷത വഹിച്ച ചടങ്ങിൽ കോട്ടയം നഗരസഭാ അധ്യക്ഷൻ ശ്രീ. എം.പി. സന്തോഷ് കുമാർ മുഖ്യപ്രഭാഷണം നടത്തി. ജില്ലാ ആയുർവേദ ആശുപത്രി സി.എം.ഒ ഡോ. ഷാജിത ഷാഹുൽ സ്വാഗതം ആശംസിച്ചു.
ചടങ്ങിൽ ജില്ലാ പഞ്ചായത്ത് വൈസ് പ്രസിഡൻ്റ് ശ്രീമതി ബിന്ദു സെബാസ്റ്റ്യൻ, ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ ശ്രീ. പി.കെ. വൈശാഖ്, വാർഡ് കൗൺസിലർ ശ്രീ. എസ്. ഗോപകുമാർ എച്ച്.എം.സി (HMC) അംഗങ്ങൾ തുടങ്ങിയവർ ആശംസകൾ അറിയിച്ചു.
ജില്ലാ ആയുർവേദ ആശുപത്രി സീനിയർ മെഡിക്കൽ ഓഫീസർ ഡോ. ശ്രീവിദ്യ പി.ആർ. കൃതജ്ഞത രേഖപ്പെടുത്തി. പരിപാടിയുമായി ബദ്ധപ്പെട്ട് ആരോഗ്യ ഭക്ഷണ പ്രദർശനവും, ബോധവൽക്കരണ ക്യാമ്പും പ്രശ്നോത്തരിയും നടത്തി. പകർച്ചവ്യധി പ്രതിരോധ ക്യാമ്പിൽ മരുന്നുകൾ വിതരണം ചെയ്തു.
