ഇന്നത്തെ മാറിക്കൊണ്ടിരിക്കുന്ന ജീവിതശൈലിയും പാരിസ്ഥിതിക വ്യതിയാനങ്ങളും പുരുഷന്മാരുടെ പ്രത്യുല്പാദന ശേഷിയെയും ആരോഗ്യത്തെയും വലിയ രീതിയില് ബാധിക്കുന്നുണ്ട്.
ബീജത്തിന്റെ ഗുണനിലവാരം കുറയുന്നതിനും വന്ധ്യതയ്ക്കും കാരണമാകുന്ന പ്രധാനപ്പെട്ട 10 ഘടകങ്ങള് താഴെ പറയുന്നവയാണ്:
പുകവലിയും മദ്യപാനവും: അമിതമായ പുകവലിയും മദ്യപാനവും ബീജത്തിന്റെ അളവ് കുറയ്ക്കാനും ഡിഎൻഎ ഘടനയ്ക്ക് തകരാറുകള് സംഭവിക്കാനും ഇടയാക്കും.
തെറ്റായ ഭക്ഷണക്രമം: ജങ്ക് ഫുഡുകള്, അമിതമായ മധുരം എന്നിവ അടങ്ങിയ ഭക്ഷണരീതി ഹോർമോണ് സന്തുലിതാവസ്ഥ തെറ്റിക്കുകയും പ്രത്യുല്പാദന ശേഷിയെ ബാധിക്കുകയും ചെയ്യുന്നു.
മാനസിക സമ്മർദ്ദം: അമിതമായ സ്ട്രെസ് ടെസ്റ്റോസ്റ്റിറോണ് (Testosterone) ഹോർമോണിന്റെ അളവ് കുറയ്ക്കുകയും ബീജ ഉത്പാദനത്തെ മന്ദഗതിയിലാക്കുകയും ചെയ്യുന്നു.
വ്യായാമമില്ലായ്മയും അമിതവണ്ണവും: ശാരീരിക അധ്വാനമില്ലായ്മയും ശരീരഭാരം കൂടുന്നതും ഹോർമോണ് വ്യതിയാനങ്ങള്ക്കും വന്ധ്യതാ സാധ്യത വർധിക്കുന്നതിനും കാരണമാകുന്നു.
ഉറക്കക്കുറവ്: സ്ഥിരമായി രാത്രി ഉറക്കം കുറയുന്നത് ടെസ്റ്റോസ്റ്റിറോണ് നിർമ്മാണത്തെ പ്രതികൂലമായി ബാധിക്കും.
പാരിസ്ഥിതിക വിഷാംശങ്ങള്: കീടനാശിനികള്, പ്ലാസ്റ്റിക് ഉല്പ്പന്നങ്ങള്, രാസവസ്തുക്കള് എന്നിവയുമായുള്ള നിരന്തര സമ്പർക്കം പ്രത്യുല്പാദന വ്യവസ്ഥയെ തകരാറിലാക്കുന്നു.
അമിതമായ ചൂട്: ഇറുകിയ വസ്ത്രങ്ങള് ധരിക്കുന്നത്, മടിയില് ലാപ്ടോപ്പ് വച്ച് ഉപയോഗിക്കുന്നത്, ഉയർന്ന താപനിലയുള്ള അന്തരീക്ഷത്തില് ജോലി ചെയ്യുന്നത് എന്നിവ ബീജത്തിന്റെ ഉത്പാദനത്തെ ബാധിക്കും.
തൈറോയ്ഡ് തകരാറുകള് തുടങ്ങിയ രോഗങ്ങള് കൃത്യസമയത്ത് ചികിത്സിക്കാതിരിക്കുന്നത് വന്ധ്യതയ്ക്ക് കാരണമാകാം.
