കൊച്ചി: സർക്കാറിന്റെ നൂറു ദിന പദ്ധതിയില്‍ കുന്നത്തൂർ മിനി സിവില്‍ സ്റ്റേഷൻ നിർമാണം പൂർത്തിയാക്കാത്തതില്‍ നടപടിയെടുക്കാൻ പൊതുമരാമത്ത് മന്ത്രി പി.കെ. ബഷീർ.
സംഭവത്തില്‍ വീഴ്ച വരുത്തിയ ഉദ്യോഗസ്ഥർക്കെതിരെ നടപടിയെടുക്കുമെന്ന് മന്ത്രി അറിയിച്ചു.
ഊരാളുങ്കല്‍ സൊസൈറ്റിക്കായിരുന്നു പദ്ധതിയുടെ നിർമാണ ചുമതല. കരാറുകാരന് അനുകൂലമായി മനഃപൂർവം പ്രവൃത്തി വൈകിപ്പിച്ചു എന്ന ആരോപണം ഗൗരവമുള്ളതാണെന്ന് മന്ത്രി പറഞ്ഞു.
രാഷ്ട്രീയ കാരണങ്ങളാല്‍ നിർമാണം വൈകിപ്പിച്ചുവെന്ന ആരോപണവും അന്വേഷിക്കുമെന്ന് അദ്ദേഹം വ്യക്തമാക്കി.
സർക്കാരിന്റെ നൂറു ദിന പദ്ധതിയില്‍ ഉള്‍പ്പെടുത്തിയ 30 പദ്ധതികളില്‍ 29 എണ്ണവും പൂർത്തിയാക്കിയെന്നും കുന്നത്തൂർ മിനി സിവില്‍ സ്റ്റേഷൻ മാത്രമാണ് ആകെ പൂർത്തിയാകാത്തതെന്നും പൊതുമരാമത്ത് വകുപ്പ് അറിയിച്ചു.
നിർമാണം വൈകിയതില്‍ ഉദ്യോഗസ്ഥർക്ക് പങ്കുണ്ടെന്ന് കണ്ടെത്തിയാല്‍ കർശന നടപടിയുണ്ടാകുമെന്നും മുന്നറിയിപ്പ് നല്‍കി.
