ഹരിപ്പാട് : പ്രഗത്ഭ ജ്യോതിഷ പണ്ഡിതനും പന്തളം എൻഎസ്എസ് കോളേജ് പ്രൊഫസറും ആയിരുന്ന ഹരിപ്പാട് നങ്ങ്യാർകുളങ്ങര പടിഞ്ഞാറെ വാര്യത്ത് ഡോ. കെ ബാലകൃഷ്ണ വാര്യർ (87) അന്തരിച്ചു. ഇന്ന് ഉച്ച കഴിഞ്ഞായിരുന്നു അന്ത്യം. പ്രശസ്ത ജ്യോത്സ്യനും പഞ്ചാംഗ രചന കർത്താവുമായ കോട്ടയം എറഞ്ഞാൽ വാര്യത്ത് പിയു കൃഷ്ണ വാര്യരുടെ മകനാണ്.
റിട്ട. കോളേജ് പ്രൊഫസർ, ഫിസിക്സിൽ ഡോക്ടറേറ്റ്, അനുഷ്ഠാനവിജ്ഞാനകോശം, വാസ്തു ജ്യോതിഷം എന്നീ ഗ്രന്ഥങ്ങളുടെ കർത്താവ്, കലണ്ടർ തയ്യാറാക്കുന്ന സർക്കാർ കൺസൾട്ടന്റ്, ക്ഷേത്ര സംരക്ഷണ സമിതി മുൻ പ്രസീഡന്റ്, അഖിലകേരള ജ്യോതിശാസ്തമണ്ഡലം മുൻ പ്രസിഡന്റ്, സമസ്ത കേരള വാര്യർ സമാജം ആലപ്പുഴ ജില്ല മുൻ പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്.
സംസ്കാരം നാളെ വൈകുന്നേരം 3 മണിക്ക് ഹരിപ്പാട് നങ്ങ്യാർകുളങ്ങര വീട്ടുവളപ്പിൽ നടക്കും.
പത്നി : മായ ദേവി
മക്കൾ : മുക്ത, മഞ്ജു
മരുമക്കൾ : പിടി രാധാകൃഷ്ണൻ, ഗിരി
കൊച്ചുമകൾ : അനഘ






