തിരുവനന്തപുരം : വാമനപുരം നദിയില് കുളിക്കാനിറങ്ങിയ യുവാവ് മുങ്ങി മരിച്ചു. വേങ്കവിള തയ്ക്കാട് സ്വദേശി അഖില് എ.ജെ (33) ആണ് മരിച്ചത്.
ശനിയാഴ്ച രാവിലെ അഖിലും സുഹൃത്തുക്കളായ നാലുപേരും ചേർന്നു വാമനപുരം നദിയില് ചെല്ലഞ്ചി പാലത്തിനു സമീപം സപ്തപുരം കുളിക്കടവില് കുളിക്കാൻ ഇറങ്ങിയിരുന്നു. കുളിക്കുന്നതിനിടയില് അഖില് കയത്തില് അകപ്പെടുകയായിരുന്നു.
സുഹൃത്തുക്കള് തെരച്ചില് നടത്താൻ ശ്രമിക്കുകയും ബഹളമുണ്ടാക്കുകയും ചെയ്തതോടെ സംഭവം ശ്രദ്ധയില്പ്പെട്ട നാട്ടുകാർ ഉടൻ തന്നെ ഫയർഫോഴ്സിനെ വിവരമറിയിച്ചു.
വിതുരയില് നിന്നും ഫയർ ഫോഴ്സ് എത്തിയാണ് മൃതദേഹം കരയ്ക്കെടുത്തത്.
