പാലാ: ലോകകപ്പ് ഫുട്ബോൾ കാണാൻ അവസരമൊരുക്കാൻ സംസ്ഥാനത്തെ എല്ലാ സ്കൂളുകൾക്കും കോളജുകൾക്കും 20ന് അവധി പ്രഖ്യാപിക്കണമെന്നു പാലാ നഗരസഭാധ്യക്ഷ ദിയ ബിനു പുളിക്കക്കണ്ടം.
ഫൈനൽ മത്സരം അർധ രാത്രി ആയതിനാൽ അവധി നൽകിയാൽ പിറ്റേന്നു ഉറക്കക്കുറവും ക്ഷീണവും അനുഭവിക്കേണ്ട സാഹചര്യം ഒഴിവാക്കാം. ഇതിനൊപ്പം കായിക മത്സരങ്ങളോടുള്ള കുട്ടികളുടെ താൽപര്യവും പങ്കാളിത്തവും വർധിപ്പിക്കാൻ തീരുമാനം സഹായകമാകും. ഇതു സംബന്ധിച്ച് മുഖ്യമന്ത്രിക്ക് അടക്കം നിവേദനം നൽകി.
ലഹരി മരുന്നിനും സമൂഹ മാധ്യമ ദുരുപയോഗത്തിനുമെതിരായ ബോധവൽക്കരണത്തിന് കായികരംഗം ശക്തമായ പ്രതിവിധിയാണെന്നും കത്തിൽ പറയുന്നു. മുഖ്യമന്ത്രി വി.ഡി.സതീശൻ, മന്ത്രിമാരായ രമേശ് ചെന്നിത്തല, എൻ.ഷംസുദ്ദീൻ, റോജി എം.ജോൺ, ഒ.ജെ.ജനീഷ് എന്നിവർക്കാണ് നിവേദനം നൽകിയത്.
