തിരുവനന്തപുരം: കേരള വാട്ടർ അതോറിറ്റിയില്‍ സമഗ്രമായ അഴിച്ചുപണി നടത്താൻ ഒരുങ്ങുന്നതായി ജലവിഭവ വകുപ്പ് മന്ത്രി മോൻസ് ജോസഫ് അറിയിച്ചു.
വകുപ്പിന്‍റെ പ്രവർത്തനം കൂടുതല്‍ ജനകീയമാക്കുന്നതിൻ്റെ ഭാഗമായി ഡിസംബർ 31 ന് മുൻപ് പുതിയ ഘടന നടപ്പിലാക്കുമെന്നും ഇതിനായി ഉദ്യോഗസ്ഥരെ പഠനത്തിന് ചുമതലപ്പെടുത്തിയതായും മന്ത്രി വ്യക്തമാക്കി.
കാലപ്പഴക്കമുള്ള പൈപ്പുകള്‍ മാറ്റുന്നതിനൊപ്പം കുടിവെള്ള പൈപ്പുകള്‍ പൊട്ടുമ്പോള്‍ അതിവേഗം അറ്റകുറ്റപ്പണി പൂർത്തിയാക്കാനും കുടിവെള്ള വിതരണത്തില്‍ പൂർണ്ണ സുതാര്യത ഉറപ്പാക്കാനുമുള്ള പദ്ധതികള്‍ നടപ്പിലാക്കുമെന്നും അദ്ദേഹം പറഞ്ഞു.
കുടിവെള്ള ബില്ലുകളിലെ പരാതികള്‍ പരിഹരിക്കുന്നതിനായി ഡിസംബർ മുതല്‍ എല്ലാ ജില്ലകളിലും അദാലത്തുകള്‍ സംഘടിപ്പിക്കുമെന്നും, പത്തനംതിട്ടയില്‍ നാളെ ചേരുന്ന യോഗത്തില്‍ ശബരിമലയിലെ കുടിവെള്ള പ്രശ്നങ്ങള്‍ ചർച്ച ചെയ്ത് പരിഹരിക്കുമെന്നും മന്ത്രി കൂട്ടിച്ചേർത്തു.
