കോഴിക്കോട്: വഖഫ് ബോർഡ് പുനഃസംഘടനയുമായി ബന്ധപ്പെട്ട കാന്തപുരം സമസ്തയുടെ പരാതികള്‍ക്ക് പരിഹാരം കണ്ടെന്ന് പറയുമ്പോഴും എങ്ങനെ പരിഹരിക്കുമെന്നതില്‍ വ്യക്തതയില്ല.
ദക്ഷിണ കേരള ജംഇയ്യത്തുല്‍ ഉലമ ജനറല്‍ സെക്രട്ടറി തൊടിയൂർ മുഹമ്മദ് കുഞ്ഞി മൗലവി അംഗത്വം ഒഴിഞ്ഞ് പകരം എപി സമസ്ത പ്രതിനിധിയെ ഉള്‍പ്പെടുത്താനും തൊടിയൂർ മുഹമ്മദ് കുഞ്ഞി മൗലവിയെ ഹജ്ജ് കമ്മിറ്റി ചെയർമാൻ ആക്കാനുമാണ് ധാരണ.
എന്നാല്‍, ഹജ്ജ് കമ്മിറ്റി ചെയർമാൻ സ്ഥാനം ഒഴിയുന്നതില്‍ എപി സമസ്തക്ക് അതൃപ്തിയുണ്ട്. ഹുസൈൻ സഖാഫി ചുള്ളിക്കോടിന് ഒരു വർഷം കൂടി തുടരാൻ അർഹതയുണ്ട് എന്നാണ് കാന്തപുരം വിഭാഗത്തിന്റെ നിലപാട്.
ഹജ്ജ് കമ്മിറ്റി ചെയർമാൻ സ്ഥാനം നീട്ടി നില്‍ക്കണമെന്നും ഇവർ ആവശ്യപ്പെടുന്നു.
വിഷയത്തില്‍ നിലപാട് കടുപ്പിച്ചാല്‍ പുനഃസംഘടനയുമായി ബന്ധപ്പെട്ട തീരുമാനങ്ങളെ ബാധിക്കും. കൂടുതല്‍ ചർച്ചകളിലൂടെ പ്രശ്നങ്ങള്‍ പരിഹരിക്കാനാണ് സർക്കാർ നീക്കം.
