ആലപ്പുഴ: രാഷ്ട്രീയത്തിലെ തിരുത്തല്‍ ശക്തിയായിരുന്നു വിഎസ് അച്യുതാനന്ദൻ എന്ന് കോണ്‍ഗ്രസ് നേതാവ് വി എം സുധീരൻ.
വിഎസിന്‍റെ 103-ാം ജൻമദിനത്തില്‍ പറവൂരിലെ വിഎസിന്‍റെ വീടായ വേലിക്കകത്തു നടന്ന അനുസ്മരണ സമ്മേളനത്തില്‍ സംസാരിക്കുകയായിരുന്നു അദ്ദേഹം.
സമൂഹത്തില്‍ വിഎസ് ഏറ്റെടുത്ത ഉത്തരവാദിത്വവും പ്രതിബദ്ധതയും ആർക്കും മറക്കാനാവില്ലെന്നും ഏത് രാഷ്ട്രീയത്തിലും തിരുത്തല്‍ ശക്തി ആവശ്യമാണെന്നും സുധീരൻ പറഞ്ഞു.
താൻ കെഎസ്‌യുവില്‍ പ്രവർത്തിച്ച നാള്‍ മുതല്‍ വിഎസുമായി ഉണ്ടായ അനുഭവങ്ങളും സുധീരൻ അനുസ്മരിച്ചു.
സിപിഐ നേതാവ് പന്യൻ രവീന്ദ്രൻ, മുൻ എം.പി അഡ്വ. എ.എം.ആരിഫ് തുടങ്ങിയവരും ചടങ്ങില്‍ പങ്കെടുത്തു.
