ഡൽഹി: 75 കാരനെ വിവാഹം കഴിക്കാനൊരുങ്ങി 30 കാരിയായ യുവതി. ഉത്തർപ്രദേശിലെ ഔറയ്യയിലാണ് സംഭവം. ഇരുവരും തമ്മില്‍ 45 വയസിന്റെ പ്രായവ്യത്യാസമാണുള്ളത്.
30 കാരി വയസായ വരനെ തിരഞ്ഞെടുത്തിനെതിരെ സമൂഹമാധ്യമങ്ങളില്‍ വലിയ ചർച്ചയും ഉയരുന്നുണ്ട്. വിവാഹനിശ്ചയത്തിന്റെ ചിത്രങ്ങളും വിഡിയോകളും സമൂഹമാധ്യമങ്ങളില്‍ പ്രചരിച്ചതോടെയാണ് ഇവരുടെ പ്രണയകഥ ശ്രദ്ധ നേടിയത്.
സോഷ്യല്‍മീഡിയ ഇൻഫ്ലുവൻസറായ റീനയാണ് 75കാരനായ രാം സാഗറുമായി വിവാഹനിശ്ചയം നടത്തിയത്. ആറുദിവസം മുമ്പായിരുന്നു വിവാഹനിശ്ചയം. ഇതിന്റെ ചിത്രങ്ങളും വിഡിയോകളും വ്യാപകമായി പ്രചരിച്ചതോടെയാണ് ഇരുവരുടെയും ബന്ധം വാർത്തകളില്‍ ഇടംപിടിച്ചത്.
രാം സാഗറിനെ വിവാഹം കഴിക്കാനുള്ള തീരുമാനത്തില്‍ ഉറച്ചുനില്‍ക്കുകയാണെന്ന് റീന വ്യക്തമാക്കി. രാം സാഗറുമായുള്ള പ്രായവ്യത്യാസം തനിക്ക് പ്രശ്നമല്ലെന്നും തീരുമാനത്തില്‍ സന്തോഷവതിയാണെന്നും റീന പ്രതികരിച്ചു.
തീരുമാനത്തില്‍ ഉറച്ചുനില്‍ക്കുകയാണെന്ന് റീന വ്യക്തമാക്കി. രാം സാഗറുമായുള്ള പ്രായവ്യത്യാസം തനിക്ക് പ്രശ്നമല്ലെന്നും തീരുമാനത്തില്‍ സന്തോഷവതിയാണെന്നും റീന പ്രതികരിച്ചു.
ഒരു വർഷം മുമ്പാണ് ഇരുവരും പരിചയപ്പെട്ടത്. അന്ന് മുതല്‍ ഇരുവരും തമ്മില്‍ അടുത്ത ബന്ധമാണ്. ആദ്യം ബന്ധുക്കള്‍ എതിർത്തെങ്കിലും പിന്നീട് സമ്മതിക്കുകയായിരുന്നു. നവരാത്രിക്ക് ശേഷം വിവാഹം നടത്താനാണ് തീരുമാനിച്ചിരിക്കുന്നത്. വിവാഹനിശ്ചയ ചിത്രങ്ങള്‍ പ്രചരിക്കുന്നതിനിടയിലും തന്റെ തീരുമാനത്തില്‍ മാറ്റമില്ലെന്നും രാം സാഗറുമായുള്ള വിവാഹവുമായി മുന്നോട്ടുപോകുമെന്നും റീന വ്യക്തമാക്കി
