മലപ്പുറം: കടുത്ത വയറുവേദനയെ തുടർന്ന് സ്വകാര്യ ആശുപത്രിയില് ചികിത്സ തേടിയെത്തിയ പതിനാറുകാരിയായ സ്കൂള് വിദ്യാർത്ഥിനി പ്രസവിച്ചു.
സംഭവത്തില് മുപ്പത്തൊന്നുകാരനായ യുവാവിനെ മലപ്പുറം പൊലീസ് അറസ്റ്റ് ചെയ്തു. ജിതിൻ എന്നയാളെയാണ് പൊലീസ് പിടികൂടി കോടതിയില് ഹാജരാക്കി റിമാൻഡ് ചെയ്തത്.
ശക്തമായ വയറുവേദനയെ തുടർന്നാണ് വീട്ടുകാർ പെണ്കുട്ടിയെ സ്വകാര്യ ആശുപത്രിയില് എത്തിച്ചത്. എന്നാല്, ആശുപത്രിയില് എത്തി പരിശോധനകള് നടത്തിയപ്പോഴാണ് പെണ്കുട്ടി ഗർഭിണിയാണെന്ന വിവരം വീട്ടുകാർ പോലും അറിയുന്നത്. തുടർന്ന് ചികിത്സയിലിരിക്കെ പെണ്കുട്ടി പ്രസവിക്കുകയായിരുന്നു.
സംഭവത്തെക്കുറിച്ച് വിവരമറിഞ്ഞയുടൻ പൊലീസ് ഊർജിതമായ അന്വേഷണം ആരംഭിച്ചു. പെണ്കുട്ടിയില് നിന്ന് ലഭിച്ച മൊഴിയുടെയും വിവരങ്ങളുടെയും അടിസ്ഥാനത്തിലാണ് പ്രതിയായ ജിതിനെ പൊലീസ് കസ്റ്റഡിയിലെടുത്തത്. പോക്സോ നിയമപ്രകാരമുള്ള വിവിധ വകുപ്പുകള് ചുമത്തിയാണ് പ്രതിക്കെതിരെ കേസെടുത്തിട്ടുള്ളത്. തുടർന്നുള്ള നിയമനടപടികള്ക്ക് ശേഷം ഇയാളെ കോടതിയില് ഹാജരാക്കി റിമാൻഡ് ചെയ്തു.
