തലയോലപറമ്പ് :കേരള സ്‌റ്റേറ്റ് സർവീസ് പെൻഷനേഴ്‌സ് യൂണിയൻ തലയോലപറമ്പ് യൂണിറ്റ് വനിത സാംസ്കാരിക വേദി കുടുബ സംഗമം നടത്തി. തലയോലപറമ്പ് ഗവൺമെൻ്റ് യുപി സ്കൂൾ ഹാളിൽ യൂണിറ്റ് പ്രസിഡൻ്റ് എൽ. ബിന്ദുവിൻ്റെ അധ്യക്ഷതയിൽ നടന്ന കുടുംബ സംഗമം കെ എസ് എസ് പിയു സംസ്ഥാന കമ്മറ്റി അംഗം വി.എസ്. വാസന്തി ഉദ്ഘാടനം ചെയ്തു.
കെഎസ് എസ് പിയു ജില്ലാ കമ്മറ്റി അംഗം ടി.കെ. ഗോപി,ബ്ലോക്ക് സെക്രട്ടറി എ. പത്രോസ്, ബ്ലോക്ക് ജോയിൻ്റ് സെക്രട്ടറി ടി. വാസപ്പൻ , ബ്ലോക്ക് കമ്മറ്റി അംഗങ്ങളായ ജോർജ് ജോസഫ്, മാലതി ദാമോദരൻ. എ.പി. സരള, കെ.ജെ. ജോസ്, പി.എം. നസീർ, ഷീജ കബീർ തുടങ്ങിയവർ പ്രസംഗിച്ചു. തുടർന്ന് ഗാനാലാപനം, ചലച്ചിത്ര ഗാന മത്സരം,തലയോലപറമ്പ് പൂതപുരം കാർത്ത്യായനി തിരുവാതിര സംഘത്തിൻ്റെ തിരുവാതിര തുടങ്ങിയ പരിപാടികളും നടന്നു.
