വൈക്കം: ബി.ജെ.പി പ്രവർത്തകനും കെ.പി.എം.എസ് ശാഖാ സെക്രട്ടറിയുമായ അറയ്ക്കൽ അജയഘോഷിനെ ആക്രമിച്ച കേസിൽ പ്രതികളെ അറസ്റ്റ് ചെയ്യാത്തതിൽ പ്രതിഷേധം ശക്തമാകുന്നു. കേസിലെ മുഴുവൻ പ്രതികളെയും ഉടൻ പിടികൂടണമെന്ന ആവശ്യം ഉന്നയിച്ച് ബി.ജെ.പി വെള്ളൂർ ഏരിയ കമ്മിറ്റി വെള്ളൂർ പൊലീസ് സ്റ്റേഷനിലേക്ക് മാർച്ച് നടത്തി.
പ്രതിപ്പട്ടികയിലുള്ള ചിലരെ ഒഴിവാക്കാൻ വെള്ളൂർ പൊലീസ് സ്റ്റേഷനിലെ ചില ഉദ്യോഗസ്ഥർ സമ്മർദം ചെലുത്തുകയാണെന്ന് ബി.ജെ.പി ആരോപിച്ചു. ഇതിൽ പ്രതിഷേധിച്ചാണ് സ്റ്റേഷൻ മാർച്ച് സംഘടിപ്പിച്ചതെന്ന് നേതാക്കൾ പറഞ്ഞു.
പ്രതിഷേധ സമ്മേളനം ബി.ജെ.പി സംസ്ഥാന സമിതിയംഗം പി.ജി. ബിജുകുമാർ ഉദ്ഘാടനം ചെയ്തു.
തലയോലപ്പറമ്പ് മണ്ഡലം പ്രസിഡന്റ് സുമേഷ് കൊല്ലേരി, വെള്ളൂർ ഏരിയ പ്രസിഡന്റ് വിജയകുമാർ പുലരി, കർഷക മോർച്ച ജില്ലാ പ്രസിഡന്റ് കെ.എൻ. വാസൻ, പി.ഡി. സുനിൽ ബാബു, ഷിബു കുട്ടൻ ഇറുമ്പയം, പി.വി. സുരേന്ദ്രൻ, ടി.വി. മിത്രലാൽ, അമ്പിളി അജിത്, സേതു, എം.കെ. രാധാകൃഷ്ണൻ, സരസൻ തോന്നല്ലൂർ, ലക്ഷ്മണൻ നായർ എന്നിവർ പ്രസംഗിച്ചു.
