കൊച്ചി : കൊച്ചിയില് വീണ്ടും ഓണ്ലൈൻ ടാക്സി ഡ്രൈവർമാർ പണിമുടക്ക് ആരംഭിക്കുന്നു. നാളെ മുതല് ഊബർ സർവീസുകള് ബഹിഷ്കരിക്കുമെന്ന് ടാക്സി ഡ്രൈവർമാർ അറിയിച്ചു.
നിരക്ക് വർദ്ധിപ്പിക്കണമെന്ന ആവശ്യം പരിഹരിക്കുന്നതിനായി ഇന്ന് ഇരുകൂട്ടരും ചർച്ച നടത്താമെന്ന് തീരുമാനിച്ചിരുന്നു. ചർച്ചയ്ക്കായി ടാക്സി ഡ്രൈവർമാർ എത്തിയപ്പോള് ഊബർ ഓഫീസ് പൂട്ടിയ നിലയിലായിരുന്നു.
വിളിച്ചുവരുത്തി അവഹേളിച്ചതിനെതിരെയാണ് നാളെ പ്രതിഷേധം സംഘടിപ്പിക്കുന്നത്. അവകാശങ്ങള് അനുവദിച്ച് തരാൻ മടിയുള്ളത് കൊണ്ടാണ് ഇങ്ങനെ ഒളിച്ച് കളിക്കുന്നതെന്നാണ് ഡ്രൈവർമാരുടെ ആരോപണം.
