തിരുവനന്തപുരം : തിരുവനന്തപുരം കോര്പ്പറേഷനിൽ കൗണ്സില് യോഗം വെള്ളിയാഴ്ച ചേരും. ബിജെപി കൗൺസിലർ ആർ സുഗതൻ കാപ്പ കേസിൽ ജയിലിൽ കഴിയുന്നതിനാൽ ബിജെപിക്ക് ഈ യോഗം നിര്ണായകമാകും. അയോഗ്യത മറികടക്കാന് അഭിഭാഷകര് മുഖേന സുഗതന് മേയര്ക്ക് അവധി അപേക്ഷ നല്കി.
ഈ അവധി അപേക്ഷ മേയര് കൗണ്സിലില് അംഗീകാരത്തിന് സമര്പ്പിക്കേണ്ടതുണ്ട്. കഴിഞ്ഞ രണ്ട് കൗണ്സില് യോഗത്തിലും സുഗതന് പങ്കെടുത്തിരുന്നില്ല. മൂന്ന് കൗണ്സില് യോഗത്തില് പങ്കെടുത്തില്ലെങ്കില് സുഗതന് അയോഗ്യനാകും. ഈ നീക്കത്തെ നിയമപരമായി നേരിടാനാണ് ബിജെപി ശ്രമം.
ജൂണ് 29നാണ് കഴിഞ്ഞ കൗണ്സില് യോഗം ചേര്ന്നത്. മാസത്തില് ഒരു കൗണ്സില് യോഗം നിര്ബന്ധമാണെന്നിരിക്കെയാണ് വെള്ളിയാഴ്ച കൗണ്സില് വിളിച്ചിരിക്കുന്നത്. ഈ മാസത്തെ കൗണ്സിലിലും സുഗതന് പങ്കെടുത്തില്ലെങ്കില് അയോഗ്യനാക്കണമെന്ന് ആവശ്യപ്പെട്ട് കോര്പ്പറേഷന് സെക്രട്ടറിക്ക് കത്ത് നല്കാനാണ് പ്രതിപക്ഷത്തിന്റെ നീക്കം.
ഈമാസം 14നാണ് ആര് സുഗതന് വിയ്യൂര് ജയിലില് സത്യപ്രതിജ്ഞ ചെയ്തത്. സംസ്ഥാനത്ത് ആദ്യമായാണ് ജനപ്രതിനിധി ജയിലില് സത്യപ്രതിജ്ഞ ചെയ്യുന്നത്.
