തിരുവനന്തപുരം: മാസപ്പടിയുമായി ബന്ധപ്പെട്ട് പിണറായി വിജയനെതിരായ വിജിലൻസ് എഫ് ഐ ആറില്‍ പ്രതികരിച്ച്‌ എല്‍ഡിഎഫ് കണ്‍വീനർ ടി പി രാമകൃഷ്ണൻ.
പിണറായിയെ വേട്ടയാടാൻ ഇന്നോ ഇന്നലെയോ തുടങ്ങിയതല്ലെന്നും കള്ളക്കേസെന്നും ടി പി രാമകൃഷ്ണൻ പ്രതികരിച്ചു.
വേട്ടയാടലിന്റെ ഭാഗമാണ് ഇപ്പോഴത്തെ വിജിലൻസ് നടപടി. സമൂഹം നിരാകരിച്ച ഒരു പ്രശ്നം ഉയർത്തിക്കൊണ്ടു വരാൻ ശ്രമിക്കുന്നു. അദ്ദേഹത്തിനെതിരെ ഇല്ലാത്ത ആരോപണങ്ങള്‍ ഉന്നയിക്കുന്നു. ഈ ഗൂഢാലോചനയില്‍ പാർട്ടി പതറില്ല. നിയമപരമായും രാഷ്ട്രീയപരമായും ഏത് അറ്റം വരെയും പോകും.
പിണറായി വിജയനെ ലക്ഷ്യം വെക്കുന്നില്ലെങ്കില്‍ എന്തിനാണ് പിണറായിയുടെ വീട് റെയ്ഡ് ചെയ്തത്. കേസിന്റെ സ്വഭാവത്തിനനുസരിച്ച്‌ എങ്ങനെ നടത്തിക്കൊണ്ടുപോകാൻ കഴിയുമെന്ന് ആലോചിക്കും. പ്രതിപക്ഷ നേതാവായി പിണറായി തുടരുമെന്നും അദ്ദേഹം കൂട്ടിച്ചേർത്തു.
