അകലക്കുന്നം: ലഹരിയെ തുരത്താന്‍ അകലക്കുന്നം ഗ്രാമപഞ്ചായത്തിന്റെയും പഞ്ചായത്തിലെ വിവിധ സ്കൂളുകളുടെയും കോളേജുകളുടെയും സംയുക്താഭിമുഖ്യത്തില്‍ പൂവത്തിളപ്പില്‍ തൂഫാന്‍ വാക്കത്തോണ്‍ സംഘടിപ്പിച്ചു.
മുണ്ടന്‍കുന്ന് ആരോഗ്യ കേന്ദ്രത്തില്‍ നിന്നും പൂവത്തിളപ്പ് കവലയിലേയ്ക്ക് നടത്തിയ വാക്കത്തോണ്‍ അഡ്വ.ചാണ്ടി ഉമ്മന്‍ എം എല്‍ എ ഉദ്ഘാടനം ചെയ്തു.
പൊന്‍കുന്നം സര്‍ക്കിള്‍ ഇന്‍പെക്ടര്‍ രാജേഷ് പി ഫ്‌ളാഗ് ഓഫ് ചെയ്തു.
അഡീഷണല്‍ പോലീസ് സൂപ്രണ്ട് കെ സജീവ് കുട്ടികള്‍ക്ക് സത്യപ്രതിജ്ഞ ചൊല്ലിക്കൊടുത്തു.
ജില്ലാ പഞ്ചായത്തംഗം അഡ്വ.അഭിലാഷ് ചന്ദ്രന്‍ മികച്ച പ്രകടനം കാഴ്ചവച്ച സ്‌കൂളിനുള്ള സമ്മാനം മറ്റക്കര സെന്റ് ജോസഫ്‌സ് ഹൈസ്‌ക്കുളിന് കൈമാറി. മികച്ച പ്രവര്‍ത്തനം കാഴ്ച വച്ച പള്ളിക്കത്തോട് പോലീസ്, സ്റ്റേഷന് ചടങ്ങില്‍ ആദരവ് നല്കി.
ആശംസകള്‍ നേര്‍ന്നുകൊണ്ട് പള്ളിക്കത്തോട് പോലീസ് സ്റ്റേഷന് എസ് ഐ അനുപ്,ബ്ലോക്ക് പഞ്ചായത്ത് പ്രസിഡന്റ് ജെയ്ജി പാലയ്ക്കലോടി, പഞ്ചായത്തംഗം നിമ്മി ട്വിങ്കിള്‍ രാജ്,ബ്ലോക്ക് പഞ്ചായത്ത് സ്റ്റാന്റിംഗ് കമ്മറ്റി ചെയര്‍മാന്‍ അഡ്വ.ബിജു എബ്രഹാം,അകലക്കുന്നം പഞ്ചായത്ത് പ്രസിഡന്റ് സുനില്‍ തോമസ്,വൈസ് പ്രസിഡന്റ് സിജി സണ്ണി തുടങ്ങിയവര്‍ സംസാരിച്ചു.
യോഗത്തില്‍ വച്ച് സ്‌കൂളുകള്‍ക്കായി തൂഫാന്‍ ഇന്‍ഫര്‍മേഷന്‍ ബോക്‌സുകളും, കുട്ടികള്‍ക്കായി തൂഫാന്‍ പേജ് മാര്‍ക്കും വിതരണം ചെയ്തു. തൂഫാന്‍ വാക്കത്തോണില്‍ പങ്കെടുത്ത വിദ്യാര്‍ത്ഥികള്‍ ചേര്‍ന്ന് നിര്‍മ്മിച്ച തൂഫാന്‍ ട്രീ ശ്രദ്ധേയമായി.
മഞ്ഞാമറ്റം സെന്റ് ജോസഫ്‌സ് ഹൈസ്‌ക്കുള്‍, മറ്റക്കര ഹയര്‍സെക്കന്ററി സ്‌കൂള്‍, സെന്റ് അലോഷ്യസ് ഹൈസ്‌കൂള്‍ മണലുങ്കല്‍,ലിറ്റില്‍ ഫ്‌ളവര്‍ ഹൈസ്‌ക്കുള്‍ കാഞ്ഞിരമറ്റം, എച്ച് എസ് കോണ്‍വെന്റ് സീനിയര്‍ സെക്കണ്ടറി സ്‌ക്കുള്‍ ചെങ്ങളം,സെന്റ് ആന്റണീസ് ഹൈസ്‌ക്കുള്‍ ചെങ്ങളം, ടോംസ് എഞ്ചിനീയറിംഗ് കോളേജ് മറ്റക്കര,മറ്റക്കര മോഡല്‍ പോളിടെക്‌നിക്, തുടങ്ങിയ വിദ്യാഭ്യാസ സ്ഥാപനങ്ങളിലെ കുട്ടികള്‍ പരിപാടിയില്‍ പങ്കെടുത്തു.പഞ്ചായത്ത് ആരോഗ്യ സ്റ്റാന്റിംഗ് കമ്മറ്റി ചെയര്‍പേഴ്‌സണ്‍ സിന്ധു അനില്‍കുമാര്‍,ക്ഷേമകാര്യ സ്റ്റാന്റിംഗ് കമ്മറ്റി ചെയര്‍പേഴ്‌സണ്‍ മിജോ ഡോണി, മെമ്പര്‍മാരായ ഷിന്റോ കൊച്ചുപുരയ്ക്കല്‍,എം എസ് രാജു,കെ കെ രഘു,ജോബി ജോമി,റീന സാബു,ഡാന്റി എം ജോസ്്,ഗിരിജ രാജന്‍,ജാന്‍സി ബാബു,ടോംസ് എഞ്ചിനീയറിംഗ് കോളേജ് ഡയറ്കടര്‍ ടോം റ്റി ജോസഫ്, അകലക്കുന്നം പഞ്ചായത്ത്് സെക്രട്ടറി സജിത്ത് മാത്യൂസ്, ആര്‍ ജി എസ് എ കോര്‍ഡിനേറ്റര്‍ ആശിഷ്, പാലാ അഗ്നിരക്ഷാനിലയം സിവില്‍ ഡിഫന്‍സ് വോളണ്ടിയര്‍ ഹരികുമാര്‍ മറ്റക്കര തുടങ്ങിയവര്‍ പരിപാടിയ്ക്ക് നേതൃത്വം നല്കി.
