കൊച്ചി : സിപിഐഎം സംസ്ഥാന സെക്രട്ടറി എംവി ഗോവിന്ദനെതിരെ അതിരൂക്ഷ വിമര്ശനവുമായി ടികെ ഗോവിന്ദന് എംഎല്എ. ടികെ ഗോവിന്ദന് വര്ഗവഞ്ചകനെന്ന എംവി ഗോവിന്ദന്റെ പ്രസ്താവനയ്ക്കാണ് അദ്ദേഹം മറുപടി പറഞ്ഞത്. എംവി ഗോവിന്ദന് കാണിച്ചത്രയും വഞ്ചന താന് കാണിച്ചിട്ടില്ലെന്നും ആരാണ് വര്ഗവഞ്ചകനെന്നും ടികെ ഗോവിന്ദന് ചോദിച്ചു.
ഇപ്പോള് സിപിഐഎമ്മിന്റെ തലപ്പത്തിരിക്കുന്നവരാണ് വര്ഗവഞ്ചകരെന്ന് ടികെ ഗോവിന്ദന് പറഞ്ഞു. പാര്ട്ടിയില് ഗ്രൂപ്പുണ്ടാക്കാന് ഓടിനടന്ന ആളാണ് എംവി ഗോവിന്ദന്. പാര്ട്ടിയെ ഉപയോഗിച്ച് പണം സമ്പാദിച്ചിട്ടില്ല. പാര്ട്ടിയെ ഉപയോഗിച്ച് ബിസിനസ് നടത്തിയിട്ട് ഏതെങ്കിലും കേസ് തന്റെ വീട്ടിലുണ്ടായിട്ടില്ല. ബിസിനസിനായി എകെജി സെന്റര് വരെ ഉപയോഗിച്ചത് എംവി ഗോവിന്ദന് ശ്രദ്ധിച്ചില്ലല്ലോ എന്നും ടികെ ഗോവിന്ദന് പറഞ്ഞു.
ഒരു ഘട്ടത്തില് ഒരു പ്രശ്നമുണ്ടായപ്പോള് രാഷ്ട്രീയ പ്രവര്ത്തനം മതിയാക്കി സ്കൂള് അധ്യാപക ജോലിയിലേക്ക് തിരിച്ചുപോയ ആളാണ് എംവി ഗോവിന്ദനെന്ന് ടി കെ ഗോവിന്ദന് പറഞ്ഞു. എന്നിട്ട് തന്നെയാണ് വര്ഗവഞ്ചകനെന്ന് വിളിക്കുന്നത്. വര്ഗ വഞ്ചകരെന്ന ആരോപണം നാം ഒരുപാട് കേട്ടിട്ടുണ്ട്. പാര്ട്ടി പിളര്ന്ന സമയത്ത് മഹാനായ എകെജിയും ഇഎംഎസ്സും അടക്കം ആ വിളി കേള്ക്കേണ്ടി വന്നിട്ടുണ്ടെന്നും ടികെ ഗോവിന്ദന് കൂട്ടിച്ചേര്ത്തു.
