തൃശൂർ: തൃശൂർ സുവോളജിക്കല്‍ പാർക്കില്‍ വിവിധ തസ്തികകളില്‍ ജോലി ഒഴിവ്. എജ്യുക്കേഷണല്‍ ഓഫീസർ, പബ്ലിക് റിലേഷൻസ് ഓഫീസർ, ഇലക്‌ട്രീഷ്യൻ, അനിമല്‍ കീപ്പർ ട്രെയിനി എന്നീ തസ്തികകളിലായി ആകെ 23 ഒഴിവുകളാണുള്ളത്.
കരാർ നിയമനമാണ്. അപേക്ഷിക്കാനുള്ള അവസാന തീയതി ഡിസംബർ 15 . യോഗ്യത, ശമ്പളം അപേക്ഷിക്കേണ്ടത് എങ്ങനെ തുടങ്ങിയ വിശദാംശംങ്ങള്‍ അറിയാം
പബ്ലിക് റിലേഷൻ ഓഫീസർ
ഒരു ഒഴിവാണ് ഉള്ളത്.ജേർണലിസം, മാസ് കമ്മ്യൂണിക്കേഷൻ, പബ്ലിക് റിലേഷൻസ് അല്ലെങ്കില്‍ അഡ്വർടൈസിംഗ് എന്നീ വിഷയങ്ങളില്‍ ഏതെങ്കിലും ഒന്നില്‍ ബിരുദാനന്തര ബിരുദമോ ബിരുദാനന്തര ഡിപ്ലോമയോ ഉള്ളവർക്കായിരിക്കും അപേക്ഷിക്കാനാകുക. ജേർണലിസം, മാസ് കമ്യൂണിക്കേഷൻ, പബ്ലിക് റിലേഷൻസ്, പരസ്യവിജ്ഞാപനം അല്ലെങ്കില്‍ അനുബന്ധ മേഖലകളില്‍ ഏകദേശം മൂന്ന് വർഷത്തെ പ്രവൃത്തിപരിചയം ആവശ്യമാണ്. ഉയർന്ന പ്രായപരിധി 18-40 വയസാണ്. തിരഞ്ഞെടുക്കപ്പെടുന്നവർക്ക് 30,990 രൂപ.
ഇലക്‌ട്രീഷ്യൻ
ഒരു ഒഴിവ്. എസ്‌എസ്‌എല്‍സി അഥവാ തത്തുല്യമായ യോഗ്യതയും, കേരള സർക്കാരിന്റെ ബന്ധപ്പെട്ട വകുപ്പ് നല്‍കുന്ന ഇലക്‌ട്രീഷ്യൻ ട്രേഡിലെ ഐ.ടി.ഐ. / ഐ.ടി.സി. സർട്ടിഫിക്കറ്റും കേരള ഇലക്‌ട്രിക്കല്‍ ഇൻസ്പെക്ടറേറ്റ് നല്‍കുന്ന വയർമാൻ ലൈസൻസും ഉള്ളവർക്ക് അപേക്ഷിക്കാം. കേന്ദ്ര/സംസ്ഥാന സർക്കാർ വകുപ്പുകള്‍, കേന്ദ്ര/സംസ്ഥാന പൊതുമേഖലാ സ്ഥാപനങ്ങള്‍, കേന്ദ്ര/സംസ്ഥാന സ്വയംഭരണ സ്ഥാപനങ്ങള്‍ എന്നിവയില്‍ ഏതെങ്കിലും ഒന്നില്‍ ഇലക്‌ട്രീഷ്യൻ/വയർമാൻ/തത്തുല്യമായ ജോലിയില്‍ ഒരു വർഷത്തില്‍ കുറയാത്ത പ്രവൃത്തി പരിചയം വേണം. 500 കെ.വി.എ.യില്‍ കുറയാത്ത ഹൈടെൻഷൻ സംവിധാനത്തിലെ പ്രവൃത്തിപരിചയം അഭികാമ്യമാണ്. 18-40 വയസാണ് പ്രായപരിധി. 22130 രൂപയാണ് ശമ്പളം.
അനിമല്‍ കീപ്പർ ട്രെയിനി
പുരുഷൻമാർക്ക് 15 ഒഴിവുകളും സ്ത്രീകള്‍ക്ക് 5 ഒഴിവുകളുമാണ് ഉള്ളത്. ഏഴാം ക്ലാസ് പാസായിരിക്കണം. ഡിഗ്രി ഉണ്ടാകാൻ പാടില്ല. പ്രായപരിധി 18-26 വയസ്. 12000-15000 രൂപയാണ് ശമ്പളം.
അപേക്ഷിക്കേണ്ടത് ഇങ്ങനെ
നിശ്ചിത മാതൃകയിലുള്ള അപേക്ഷാഫോം കേരള വനം വകുപ്പിന്റെ ഔദ്യോഗിക വെബ്സൈറ്റായ www.forest.kerala.gov.in- ല്‍ നിന്ന് ലഭിക്കും. സമീപകാലത്ത് എടുത്ത ഫോട്ടോ പതിപ്പിക്കുകയും ബന്ധപ്പെട്ട രേഖകളുടെ സ്വയം സാക്ഷ്യപ്പെടുത്തിയ പകർപ്പുകള്‍ സഹിതം സമർപ്പിക്കുകയും വേണം.
ഡയറക്ടർ/മെമ്പർ സെക്രട്ടറി
തൃശൂർ സുവോളജിക്കല്‍ പാർക്ക് കണ്‍സർവേഷൻ ആൻഡ് ഡെവലപ്‌മെന്റ് സൊസൈറ്റി
കുരിശുമൂലയ്ക്ക് സമീപം, പുത്തൂർ പി.ഒ.
തൃശൂർ - 680014, കേരളം എന്ന വിലാസത്തിലാണ് അപേക്ഷിക്കേണ്ടത്. മെയില്‍director@tzp-cds.com
ഫോണ്‍: 0487-2353455, 9447979194
കൂടുതല്‍ വിവരങ്ങള്‍ക്ക് https://forest.kerala.gov.in/forestapp/public/documents/announcements/announcement1011202610:15:07.pdf?prophazecheck=1
