കടുത്തുരുത്തി: യൂത്ത് ഫ്രണ്ട് കടുത്തുരുത്തി നിയോജക മണ്ഡലം കമ്മിറ്റിയുടെ നേതൃത്വത്തിൽ തൂഫാന് വടംവലി മത്സരം 27ന് കടുത്തുരുത്തിയിൽ നടക്കും.
യുവതലമുറയെ കാർന്നുതിന്നുന്ന ലഹരി മരുന്നിനെതിരേയുള്ള ശക്തമായ പോരാട്ടവുമായി, കേരള സര്ക്കാരിന്റെ തൂഫാന് ദി നാര്ക്കോ ഹണ്ട് ലഹരിവിരുദ്ധ കാമ്പയിന് പൂർണ പിന്തുണ പ്രഖ്യാപിച്ചുകൊണ്ടാണ് യൂത്ത്ഫ്രണ്ട് നിയോജകമണ്ഡലം കമ്മിറ്റിയുടെ നേതൃത്വത്തിൽ കേരളത്തിലെ പ്രമുഖ ടീമുകൾ പങ്കെടുക്കുന്ന അഖില കേരള വടംവലി മത്സരം പോരാട്ടം 2026 സംഘടിപ്പിക്കുന്നത്.
27ന് വൈകുന്നേരം അഞ്ചിന് ഗവണ്മെന്റ് വിഎച്ച്എസ്എസ് മൈതാനത്താണ് മത്സരം നടക്കുന്നതെന്ന് ഭാരവാഹികൾ കടുത്തുരുത്തി പ്രസ് ക്ലബ്ബിൽ വാർത്ത സമ്മേളനത്തിൽ അറിയിച്ചു.
കേരളത്തിലെ വിവിധ ജില്ലകളിൽ നിന്നുള്ള 50തിലധികം ടീമുകൾ മത്സരത്തിൽ പങ്കെടുക്കും. ജേതാക്കൾക്ക് 44,000 രൂപയും എവറോളിംഗ് ട്രോഫിയുമാണ് സമ്മാനമായി ലഭിക്കുന്നത്.
രണ്ട്, മൂന്ന്, നാല് സ്ഥാനങ്ങളിലെത്തുന്നവര്ക്ക് 33,000, 22,000, 11,000 രൂപയും എവര്റോളിംഗ് ട്രോഫിയും സമ്മാനമായി ലഭിക്കും. 16 സമ്മാനങ്ങളാണ് മത്സരാര്ഥികള്ക്കായി നല്കുന്നത്.
കോട്ടയം ജില്ലാ വടംവലി അസോസിയേഷന്റെ നിയന്ത്രണത്തിലാണ് മത്സരം നടക്കുന്നത്. ഞായറാഴ്ച വൈകുന്നേരം നടക്കുന്ന സമ്മേളനത്തില് മന്ത്രി മോന്സ് ജോസഫ് മത്സരം ഉദ്ഘാടനം ചെയ്യും. യൂത്ത് ഫ്രണ്ട് നിയോജകമണ്ഡലം പ്രസിഡന്റ് ജോസ്മോന് മാളിയേക്കല് അധ്യക്ഷത വഹിക്കുന്ന സമ്മേളനത്തില് ഫ്രാന്സിസ് ജോര്ജ് എംപി മുഖ്യപ്രഭാഷണം നടത്തും.
