വൈക്കം : തലയാഴത്തിനൊരു തണൽ ചാരിറ്റബിൾ സൊസൈറ്റിയുടെ അഞ്ചാമത് വാർഷികാഘോഷവും കുടുംബ സംഗമവും വൈക്കം എംഎൽഎ കെ ബിനിമോൻ നിർവഹിച്ചു. വാർഷികത്തിന് മുന്നോടിയായി നടത്തിയ ലഹരി വിരുദ്ധ ജന ജാഗ്രതാ യാത്ര വൈക്കം സബ്ബ് ഇൻസ്പെക്ടർ വൈശാഖ് ഫ്ലാഗ് ഓഫ് ചെയ്തു. വൈക്കം എക്സൈസ് സർക്കിൾ ഇൻസ്പെക്ടർ അനിൽകുമാർ ലഹരി വിരുദ്ധ സന്ദേശം നൽകി.
കഴിഞ്ഞ ആറ് വർഷം കൊണ്ട് തലയാഴം പഞ്ചായത്ത് പരിധിയിൽ 223 കുടുംബങ്ങളിൽ ഇരുപത്തൊന്ന് ലക്ഷത്തി അമ്പത്തിനാലായിരം രൂപ ചികിത്സാ സഹായം എത്തിക്കാൻ സൊസൈറ്റിക്ക് കഴിഞ്ഞിട്ടുണ്ട്. കൂടാതെ എല്ലാ വർഷവും തലയാഴം പഞ്ചായത്ത് പരിധിയിലെ 8 സ്കൂളുകളിലെ 16 വിദ്യാർത്ഥികൾക്ക് വിദ്യാഭ്യാസ സഹായവും, സൊസൈറ്റി എക്സി.കമ്മറ്റി അംഗം ഷിഹാബ് കെഎസ് നൽകുന്ന ബാഗുകളും നൽകി വരുന്നു.
സർവ്വീസിൽ നിന്ന് വിരമിച്ച സൊസൈറ്റി അംഗങ്ങളായ ഷിബു എംഎസ്, ജീവൻ രക്ഷാപ്രവർത്തനം നടത്തിയ ഫയർഫോഴ്സ് ഉംദ്യാഗസ്ഥൻ ബിനോദ് എംകെ, ഉന്നത വിജയം കരസ്ഥമാക്കിയ +2, പത്താംക്ലാസ്സ് വിദ്യാർത്ഥികൾ എന്നിവർക്കുള്ള അവാർഡ് വിതരണം എംഎൽഎ നിർവ്വഹിച്ചു.
ബ്ലോക്ക് പഞ്ചായത്ത് മെമ്പർ ഹൈമിബോബി, തലയാഴം ഗ്രാമപഞ്ചായത്ത് മെമ്പർമാരായ വിവേക് പ്ലാത്താനത്ത്, ഇവി അജയകുമാർ, അധ്യാപകൻ ടോമി കളരിക്കൽ എന്നിവർ ആശംസകൾ അറിയിച്ചു സംസാരിച്ചു. സൊസൈറ്റി പ്രസിഡണ്ട് ബൈജു ടിടി അധ്യക്ഷത വഹിച്ചു. സെക്രട്ടറി ദീപേഷ് എഎസ് സ്വാഗതവും ട്രഷറർ വിനോദ് കെയു കണക്കും അവതരിപ്പിച്ചു.
തുടർന്ന് മനോജ് ആലപ്പുഴ അവതരിപ്പിച്ച സാക്സോ ഫോൺ കച്ചേരിയും, കുട്ടികളുടെ കലാപരിപാടികളും അരങ്ങേറി. ഫുട്ബോൾ ഫൈനൽ പ്രവചന മത്സരവും സംഘടിപ്പിച്ചു. പ്രസിഡൻ്റായി ബൈജൂ ടിടിയെയും, സെക്രട്ടറിയായി ദീപേഷ് എഎസിനെയും, വൈസ് പ്രസിഡൻ്റ് മാരായി മണിക്കുട്ടൻ വിഎസ്, പൂജാമോൾ, ജോ. സെക്രട്ടറിമാരായി സന്ധ്യ കെഎസ്, ആൻറണി എംകെ, ട്രഷറർ വിനോദ് കെയു എന്നിവരെ യോഗം തിരഞ്ഞെടുത്തു.
