കോട്ടയം: താഴത്തങ്ങാടി മത്സര വള്ളംകളിയില്‍ 21 കളിവള്ളങ്ങള്‍ മത്സരിക്കും.
ചാമ്പ്യൻസ് ബോട്ട് ലീഗിന്റെ ഭാഗമായി ഒമ്പത് ജലരാജാക്കന്മാർ മത്സരത്തിനായി അണിനിരക്കും.
കൂടാതെ 12 വിവിധ ഇനം ചെറു കളിവള്ളങ്ങളും തുഴയെറിയും. 24ന് ഉച്ചകഴിഞ്ഞ് താഴത്തങ്ങാടിയാറ്റിലാണ് മത്സരം.
ഈ സീസണിലെ ഏഴാമത് മത്സരമാണ് താഴത്തങ്ങാടിയില്‍ അരങ്ങേറുക.
പള്ളാത്തുരുത്തി ബോട്ട് ക്ലബ് തുഴയുന്ന മേല്‍പ്പാടം ചുണ്ടൻ, കൊല്ലം ആരോമ ബോട്ട് ക്ലബ്ബിന്റെ ആരോമ ചുണ്ടൻ, യുബിസി എഫ്സി കൈനകരിയുടെയുടെ വീയപുരം, പുന്നമട ബോട്ട് ക്ലബ്ബിന്റെ നടുഭാഗം, നിരണം ബോട്ട് ക്ലബ്ബിന്റെ നിരണം ചുണ്ടൻ, കുമരകം ഇമ്മാനുവല്‍ ബോട്ട് ക്ലബ്ബിന്റെ ആർപ്പൂക്കര ചുണ്ടൻ, കെടിബിസി കുമരകം തുഴയുന്ന നിരണം പുണ്യവാളൻ, നാട്ടകം ബോട്ട് ക്ലബ്ബിന്റെ കോട്ടയം ചെറുതന, വില്ലേജ് ബോട്ട് ക്ലബ്ബിന്റെ തലവടി തുടങ്ങി പ്രമുഖ ചുണ്ടൻ വള്ളങ്ങള്‍ മത്സരത്തിനായി അണിനിരക്കും.
താഴത്തങ്ങാടി മത്സര വള്ളംകളിയില്‍ മികച്ച പ്രകടനത്തിനായി താഴത്തങ്ങാടി ആറ്റില്‍ പരിശീലന തുഴച്ചില്‍ ആരംഭിച്ചു.
ട്രയലിനെ തുടർന്ന് നാളെ വൈകുന്നേരം ഏഴിന് കേരള തനിമയുള്ള കലാപരിപാടികള്‍ ഉള്‍ക്കൊണ്ടിച്ചുകൊണ്ടുള്ള കലാവിരുന്ന് റേസ് കോഴ്സിനു സമീപം പ്രത്യേകം സജ്ജീകരിച്ച വേദിയില്‍ നടക്കും.
ചെറുവള്ളങ്ങള്‍
ഇരുട്ടുകുത്തി ഒന്നാം തരം
മൂന്ന് തൈയ്ക്കൻ
പി. ജി. കർണൻ
തുരുത്തിത്തറ
ഇരുട്ടുകുത്തി
രണ്ടാംതരം
സെന്റ് ജോസഫ്,
ശരവണൻ
കുന്നത്തുപറമ്പൻ
പുത്തൻപറമ്പില്‍
വെപ്പ് രണ്ടാം തരം
പി.ജി. കരീപ്പുഴ
പുന്നത്ര പുരയ്ക്കൻ
മാളിയേക്കൻ
ചാമ്പ്യൻ
ചുരുളൻ ഒന്നാം തരം
മൂഴി
