ന്യൂഡല്ഹി: പാലക്കാട്ടെ ആർഎസ്എസ് നേതാവ് എസ്. ശ്രീനിവാസൻ വധക്കേസിലെ പ്രതി അഷ്റഫ് മൗലവി സമർപ്പിച്ച ജാമ്യാപേക്ഷയില് എൻഐഎക്ക് സുപ്രിംകോടതിയുടെ നോട്ടീസ്. കേസില് നാലാഴ്ചയ്ക്കുള്ളില് മറുപടി നല്കാനാണ് ബെഞ്ച് എൻഐഎയോട് നിർദേശിച്ചിരിക്കുന്നത്.
എൻഐഎ സമർപ്പിക്കുന്ന വിശദമായ മറുപടി പരിശോധിച്ച ശേഷമായിരിക്കും പ്രതിക്ക് ജാമ്യം അനുവദിക്കുന്ന കാര്യത്തില് സുപ്രിംകോടതി അന്തിമ തീരുമാനമെടുക്കുക. ഹരജിയില് എൻഐഎ നാലാഴ്ചയ്ക്കുള്ളില് വിശദീകരണം സമർപ്പിക്കണം. മുമ്പും കേസിലെ പ്രതികളുടെ ജാമ്യാപേക്ഷകളെ എൻഐഎ കോടതിയില് ശക്തമായി എതിർത്തിരുന്നു. ഇത്തവണയും ജാമ്യം നല്കുന്നതിനെ എൻഐഎ എതിർക്കാനാണ് സാധ്യത. അതേസമയം, പാലക്കാട്ടെ ആർഎസ്എസ് പ്രവർത്തകൻ സഞ്ജിതിനെ കൊലപ്പെടുത്തിയ കേസില് ഒന്നാം പ്രതിയായ അബ്ദുല് സലാമിനും സുപ്രിംകോടതി ജാമ്യം അനുവദിച്ചു. ജസ്റ്റിസ് എം.എം സുന്ദരേഷ് അധ്യക്ഷനായ ബെഞ്ചാണ് പ്രതിക്ക് ജാമ്യം അനുവദിച്ചുകൊണ്ട് ഉത്തരവിട്ടത്.
