കുമരകം:ശ്രീനാരായണ ഗുരു കുമരകം സന്ദർശിച്ചതിന്റെ ഓർമ പുതുക്കുന്നതിന് വേണ്ടി നടത്തുന്ന
ശ്രീനാരായണ ജയന്തി മത്സര വള്ളംകളി ഇന്ന് കോട്ടത്തോട്ടിൽ നടത്തും. 18 കളിവള്ളങ്ങൾ മത്സരത്തിൽ പങ്കെടുക്കും.
എല്ലാവർഷവും ചതയനാളിൽ മത്സരവള്ളംകളി നടത്തുന്നത്. ശ്രീകുമാരമംഗലം ക്ഷേത്രക്കടവിൽനിന്ന് ഉച്ചയ്ക്ക് രണ്ടിന് ജലലോഷയാത്ര പുറപ്പെടും.
ജലഘോഷയാത്ര കോട്ടത്തോട്ടിൽ എത്തുന്നതോടെയാണ് മത്സരങ്ങൾ അരങ്ങേറുന്നത്. മത്സരങ്ങൾ മന്ത്രി മോൻസ് ജോസഫ് ഉദ്ഘാടനം ചെയ്യും. ഈ വർഷത്തെ മത്സരങ്ങളിൽ പങ്കെടുക്കുന്ന കളിവള്ളങ്ങൾക്ക് ബോണസ് തുക വർധിപ്പിച്ചതായി ആക്ടിംഗ് പ്രസിഡന്റ് സാൽവിൻ കൊടിയന്ത്രയും ജനറൽ സെക്രട്ടറി എസ്ഡി പ്രേംജിയും പറഞ്ഞു.
