കോട്ടയം : കോഴിക്കൂട്ടിൽ കയറി രണ്ട് കോഴികളെ വിഴുങ്ങിയ പെരുംമ്പാമ്പ് രക്ഷപ്പെടാനാകാതെ കൂട്ടിൽ തന്നെ കുടുങ്ങി. കുമരകം നാലാം വാർഡിലെ കട്ടക്കയത്ത് ജസ്റ്റിൻ ജോണിന്റെ വീട്ടിലെ കോഴിക്കൂട്ടിലാണ് സംഭവം.
രാവിലെ കോഴികൾക്ക് തീറ്റ നൽകാനെത്തിയപ്പോഴാണ് പെരുംമ്പാമ്പിനെ കണ്ടെത്തിയത്. വിവരമറിയിച്ചതിനെ തുടർന്ന് സർപ്പ വോളന്റിയർമാർ സ്ഥലത്തെത്തി പാമ്പിനെ പിടികൂടി വനംവകുപ്പിന് കൈമാറി.
