കോട്ടയം: അപൂര്‍വ രോഗമായ എസ്.എം.എ ബാധിച്ച കോഴിക്കോട്ടെ മൂന്നു സഹോദരങ്ങളുടെ ചികിത്സയ്ക്കായി എല്ലാവരും കൈയഴിച്ചു സഹായിക്കണമെന്നു പാത്രിയര്‍ക്കീസ് ബാവ ആഹ്വാനം ചെയ്തു.
ഇതിനായി യാക്കോബായ സഭ ധനസമാഹരണം ഉള്‍പ്പെടെയുള്ള പ്രവര്‍ത്തനങ്ങള്‍ക്കു നേതൃത്വം നല്‍കുമെന്നും അദ്ദേഹം വ്യക്തമാക്കി. നിറഞ്ഞ കയ്യടികളോടെയാണു വിശ്വാസികള്‍ ഈ ആഹ്വാനത്തെ സ്വീകരിച്ചത്.
മലങ്കര സഭയില്‍ സമാധാനം പുലരാന്‍ ഏവരും പ്രാര്‍ത്ഥിക്കണമെന്നും, സഭാ നേതൃത്വങ്ങള്‍ക്ക് പക്വതയോടെ കാര്യങ്ങള്‍ കൈകാര്യം ചെയ്യാന്‍ വിശ്വാസികളുടെ സഹകരണവും പ്രാര്‍ത്ഥനയും ആവശ്യമാണെന്നും ആഗോള സുറിയാനി ഓര്‍ത്തഡോക്‌സ് സഭാ പരമാധ്യക്ഷന്‍ പരിശുദ്ധ ഇഗ്‌നാത്തിയോസ് അഫ്രേം ദ്വിതീയന്‍ പാത്രിയര്‍ക്കീസ് ബാവ.
കോട്ടയം മണര്‍കാട് സെന്റ് മേരീസ് കത്തീഡ്രലില്‍ വിശുദ്ധ കുര്‍ബാന അര്‍പ്പിച്ച ശേഷം വിശ്വാസികളെ അഭിസംബോധന ചെയ്യുകയായിരുന്നു അദ്ദേഹം.
