പ്രമുഖ പിന്നണി ഗായകൻ അഫ്സലിന്റെ മകള് മുഹ്സിന വിവാഹിതയായി. ചാവക്കാട് സ്വദേശിയായ മിദിലാജ് ആണ് വരൻ. കൊച്ചി അസീസിയ കണ്വെൻഷൻ സെന്ററില് ഇന്നലെയായിരുന്നു വിവാഹം. അഫ്സലിന്റെ മൂന്നാമത്തെ മകളായ മുഹ്സിന എംബിഎ ബിരുദധാരിയാണ്. മിദിലാജ് ദോഹയില് ആർക്കിടെക്ട് ആണ്.
സിനിമാ പിന്നണി ഗാനരംഗത്തെ പ്രമുഖർ ചടങ്ങില് പങ്കെടുത്തു. ഗായകരായ സുജാത, രാജലക്ഷ്മി, ജ്യോത്സ്ന, അൻവർ സാദത്ത്, സുദീപ് കുമാർ, ഗണേശ് കുമാർ, സന്നിധാനന്ദൻ, ജി ശ്രീറാം, ബിജിബാല്, കെ കെ നിഷാദ്, പന്തളം ബാലൻ, പ്രദീപ് പള്ളുരുത്തി, വൃന്ദ മേനോൻ, മഞ്ജു മേനോൻ, ദേവാനന്ദ തുടങ്ങിയവർ പങ്കെടുത്തു. വിവാഹച്ചടങ്ങിലെ വീഡിയോ ഗായിക രാജലക്ഷ്മി പങ്കുവച്ചത് ശ്രദ്ധനേടുകയാണ്.
