ഡൽഹി: 2027 ജനുവരി 1 മുതല്‍ വാട്സ്‌ആപ്പ്, ടെലിഗ്രാം അടക്കമുള്ള മെസേജിംഗ് ആപ്പുകള്‍ക്ക് സിം ബൈൻഡിംഗ് (SIM Binding) കേന്ദ്ര ടെലികോം മന്ത്രാലയം നിർബന്ധമാക്കുന്നു.
പുതിയ ചട്ടം നിലവില്‍ വരുന്നതോടെ ഫോണില്‍ സിം കാർഡില്ലാതെ വാട്സ്‌ആപ്പ് ഉള്‍പ്പെടെയുള്ള ആപ്പുകള്‍ ഉപയോഗിക്കാൻ സാധിക്കില്ല.
സിം കാർഡ് ഫോണില്‍ ഉള്ളപ്പോള്‍ മാത്രമേ മെസേജുകള്‍ അയക്കാനും കോളുകള്‍ ചെയ്യാനും സാധിക്കൂ.
ആദ്യം രജിസ്റ്റർ ചെയ്ത ശേഷം ഫോണില്‍ നിന്ന് സിം കാർഡ് ഊരി മാറ്റിയാലും ആപ്പ് ഉപയോഗിക്കാനാകില്ല.
2025 നവംബറിലാണ് ടെലികോം മന്ത്രാലയം ഇത് സംബന്ധിച്ച്‌ ഉത്തരവിറക്കിയത്. ആ സമയത്ത് വാട്സ്‌ആപ്പ് അടക്കമുള്ള കമ്പനികള്‍ ഇതില്‍ എതിർപ്പ് അറിയിച്ചിരുന്നെങ്കിലും, നയം നടപ്പാക്കാൻ 2026 ഡിസംബർ 31 വരെ സമയം അനുവദിക്കുകയായിരുന്നു.
സൈബർ തട്ടിപ്പുകള്‍ തടയാനാണ് കേന്ദ്ര സർക്കാർ ഈ പുതിയ ചട്ടം കൊണ്ടുവരുന്നത്.
