ഷാർജ: കർണാടകയിലെ ഉഡുപ്പി കുന്ദാപ്പൂർ സ്വദേശിയായ ആല്വിൻ പ്രകാശ് കുന്ദർ എന്ന 47കാരന്റെ മൃതദേഹം അദ്ദേഹത്തിന്റെ കാറിന്റെ ബൂട്ടില് നിന്നാണ് കണ്ടെത്തിയത്.
കഴിഞ്ഞ ഓഗസ്റ്റ് മാസം 12നായിരുന്നു ഇത്. കഴിഞ്ഞ ജൂലൈ മാസത്തിലാണ് ആല്വിൻ കൊല്ലപ്പെട്ടത് എന്നാണ് ഷാർജ പോലീസ് അനുമാനിക്കുന്നത്. ആല്വിന്റെ ടൊയോട്ട കാർ ഓമാനിലേക്കുള്ള പാതയോരത്ത് ഉപേക്ഷിക്കപ്പെട്ട നിലയില് കണ്ടെത്തുകയായിരുന്നു. ആല്വിന്റെ മൃതദേഹം വെട്ടിപ്പരിക്കേല്പ്പിച്ച് 9 കഷ്ണങ്ങളാക്കി രണ്ട് ബാഗുകളിലാക്കി പൊതിഞ്ഞ നിലയിലായിരുന്നു. നെഞ്ചില് കുത്തേറ്റ പാടുകളുമുണ്ടായിരുന്നു. മൃതദേഹം തിരിച്ചറിയാൻ കഴിയാത്ത നിലയിലായിക്കഴിഞ്ഞിരുന്നു. പിന്നീട് നെസ്ലെ കമ്പനിയില് ജോലി ചെയ്യുന്ന ആല്വിന്റെ സഹോദരപുത്രനില് നിന്ന് ശേഖരിച്ച ഡിഎൻഎ സാമ്പിള് പരിശോധിച്ചാണ് മൃതദേഹം ആല്വിന്റേതാണെന്ന് സ്ഥിരീകരിച്ചത്.
സംശയം നീളുന്നത് ബന്ധുക്കളിലേക്ക്
ഷാർജ എയർപോർട്ടില് 14 വർഷമായി ജോലി ചെയ്തുവരികയായിരുന്നു ആല്വിൻ. ജൂലൈ 20നാണ് ആല്വിൻ അവസാനമായി നാട്ടിലേക്ക് വിളിക്കുന്നത്. പിന്നീട് ആല്വിന്റെ ഫോണില് നിന്ന് 'സുഖമില്ലാതെ വിശ്രമത്തിലാണ്' എന്ന് ടെക്സ്റ്റ് മെസ്സേജുകള് വന്നു. സാധാരണയായി വോയിസ് നോട്ടുകള് അയക്കാറുള്ള ആല്വിൻ ടെക്സ്റ്റ് മെസ്സേജ് അയച്ചതില് കുടുംബത്തിന് സംശയം തോന്നി. തുടർന്ന് കോള് ചെയ്യാൻ ആവശ്യപ്പെട്ടെങ്കിലും പിന്നീട് മറുപടിയൊന്നും ഉണ്ടായില്ല.
കുടുംബം ആവശ്യപ്പെട്ടതനുസരിച്ച് ഷാർജയിലുള്ള ആല്വിന്റെ സഹപാഠി താമസസ്ഥലത്തെത്തി അന്വേഷിച്ചു. ആല്വിൻ നാട്ടിലേക്ക് പോയി എന്നാണ് വാച്ച്മാൻ പറഞ്ഞത്. ആല്വിൻ ജോലി ചെയ്യുന്ന കമ്പനിയുടെ എച്ച്ആർ വിഭാഗവും പറഞ്ഞത് അദ്ദേഹം ഇന്ത്യയിലേക്ക് പോയി എന്നാണ്. എന്നാല് നാട്ടില് എത്തിയിട്ടില്ലെന്ന് കുടുംബം അറിയിച്ചതോടെ സുഹൃത്തുക്കള് പാസ്പോർട്ട് രേഖകള് പരിശോധിച്ചു. ഇതില് നിന്ന് ആല്വിൻ യുഎഇയില് തന്നെയുണ്ടെന്ന് വ്യക്തമാവുകയും ചെയ്തു. ഇതോടെയാണ് ഷാർജ പോലീസില് കാണാതായതായി പരാതി നല്കുന്നത്.
ആല്വിന്റെ ഭാര്യ ടിന കുന്ദറിനെയും, പത്താം ക്ലാസില് പഠിക്കുന്ന മകൻ എന്നിവരെയും സംഭവത്തിന് ശേഷം കാണാതായിട്ടുണ്ട്. ഇവർ ജൂലൈ 26, 27 തീയതികളില് ഇന്ത്യയിലേക്ക് കടന്നിരിക്കാമെന്നാണ് സൂചന. ആല്വിന്റെ ഫ്ലാറ്റില് നിന്ന് രണ്ട് പുരുഷന്മാരും ഒരു സ്ത്രീയും ചേർന്ന് ലഗേജുകള് മാറ്റുന്നതിന്റെ സിസിടിവി ദൃശ്യങ്ങള് ലഭിച്ചതായി കുടുംബം അവകാശപ്പെടുന്നു. കുടുംബത്തിന് മരണസർട്ടിഫിക്കറ്റ് ലഭിച്ചെങ്കിലും എഫ്ഐആറിന്റെ പകർപ്പ് ഇതുവരെ ലഭിച്ചിട്ടില്ല. ആല്വിന് കുടുംബപ്രശ്നങ്ങളോ മറ്റ് വ്യക്തിപരമായ തർക്കങ്ങളോ ഉള്ളതായി അറിവില്ലായിരുന്നെന്ന് സഹോദരൻ വ്യക്തമാക്കി.
ഉഡുപ്പി ജില്ലാ പോലീസ് സൂപ്രണ്ടിന് കുടുംബം പരാതി നല്കിയിട്ടുണ്ട്. എന്നാല് ഷാർജ പോലീസില് നിന്നോ യുഎഇയിലെ ഇന്ത്യൻ എംബസിയില് നിന്നോ ഇതുവരെ ഔദ്യോഗിക വിവരങ്ങളൊന്നും ലഭിച്ചിട്ടില്ലെന്നും വിവരം ലഭിക്കുന്ന മുറയ്ക്ക് തുടർനടപടികള് സ്വീകരിക്കുമെന്നും ഉഡുപ്പി പോലീസ്
