തിരുവനന്തപുരം: യൂണിവേഴ്സിറ്റി മെന്സ് ഹോസ്റ്റലിലെ പൊലിസ് നടപടിക്ക് പിന്നാലെ കന്റോണ്മെന്റ് എസ്.ഐ എസ്.എഫ്.ഐ നേതാവിനെ ഭീഷണിപ്പെടുത്തുന്ന ഫോണ്സംഭാഷണം പുറത്ത്.
വീട്ടിലേക്ക് സമരം വന്നാല് പാര്ട്ടി ഓഫിസില് കയറി നിന്നെ എടുക്കുമെന്നാണ് എസ്.എഫ്.ഐ ജില്ലാ സെക്രട്ടറി എം.എ നന്ദനോട് എസ്.ഐ ജി ഗോകുല് പറഞ്ഞത്. സംഭവം വിവാദമായതിന് പിന്നാലെ എ.ഡി.ജി.പി പി. വിജയന് അന്വേഷണത്തിന് ഉത്തരവിട്ടു.
'വീട്ടിലേക്ക് മാര്ച്ച്‌ നടത്തിയാല് പാര്ട്ടി ഓഫിസില് കയറി നിന്നെ എടുക്കും. അതിന് ഒരു പേടിയുമില്ല. നീ ചെയ്യാന് പറ്റുന്നതൊക്കെ ചെയ്യ്. ഹോം മിനിസ്റ്ററോട് സംസാരിച്ച ശേഷം തല്ക്കാലം അറസ്റ്റ് തടഞ്ഞുവച്ചിരിക്കുകയാണ്. മര്യദയ്ക്കാണെങ്കില് മര്യാദയ്ക്ക്. നിങ്ങള് ഇപ്പോള് ഒരു മാര്ച്ച്‌ നടത്തിയാല് പാര്ട്ടി ഓഫിസില് കയറി നിന്നെ അറസ്റ്റ് ചെയ്യും. നീ എവിടെയാണെന്ന് നല്ലതുപോലെ അറിയാം'- എസ്.ഐ ഗോകുല് പറഞ്ഞു
