പത്തനംതിട്ട: തുലാമാസ പൂജകള്‍ക്കായി ശബരിമല നട ഇന്ന് തുറക്കും.
പുതിയ ശബരിമല, മാളികപ്പുറം മേല്‍ശാന്തിമാരുടെ നറുക്കെടുപ്പ് നാളെ.
ദർശനത്തിനായുള്ള ഓണ്‍ലൈൻ ബുക്കിങ്ങ് 50000 കടന്നു. അവലോകനയോഗത്തിനായി മുഖ്യമന്ത്രി ഇന്ന് ശബരമലയിലെത്തും.
തുലാമാസ പൂജകള്‍ക്കായി ശബരിമലയില്‍ നട തുറക്കുമ്പോള്‍ ദർശനത്തിനായി വൻ ബുക്കിംഗ് ഉണ്ടായി. നട തുറക്കുന്ന ഇന്ന് മാത്രം 30,000 തീർഥാടകർ ഓണ്‍ലൈൻ വഴി ദർശനം ബുക്ക് ചെയ്തു.
ഇതോടെ സന്നിധാനത്ത് വൻ ഭക്തജനത്തിരക്കുണ്ടാകും. പൂജ അവധി ദിവസങ്ങള്‍ കൂടിയായതിനാല്‍ മണ്ഡലകാലത്തിന് സമാനമായ രീതിയിലുള്ള ബുക്കിങ് ആണ് തുടരുന്നത്.
തുലാം ഒന്നായ ഒക്ടോബർ 18 ന് 50000 പേരും ഒക്ടോബർ 19ന് 40,000 പേരും ഇതിനോടകം ദർശനത്തിനായി ബുക്ക് ചെയ്തു.
