മണർകാട് : പഴയ കെകെ റോഡിന്റെ ടാറിംഗ് ജോലികൾ ആരംഭിച്ചു. കഴിഞ്ഞ ദിവസമാണ് ടാറിംഗ് ജോലികൾ ആരംഭിച്ചത്.
പൊട്ടിപ്പൊളിഞ്ഞ് കുണ്ടും കുഴിയുമായി മാറിയ പഴയ കെകെ. റോഡിലൂടെയുള്ള യാത്ര ദുസഹമായിരുന്നു.
റോഡ് ബിഎം ബിസി നിലവാരത്തിലാണ് നവീകരിക്കുന്നത്.
പലതവണ അറ്റകുറ്റപ്പണികൾ നട ത്തിയിട്ടും മാസങ്ങൾക്കുള്ളിൽ പൊളിയുന്നതിനെ തുടർന്നാണ് റോഡ് അടിമുടി പുനർനിർമിക്കാൻ നടപടിയായത്.
മണർകാട് കവലമുതൽ ദേശീയപാതയിൽ ആറാം മൈൽ ഇളപ്പുങ്കൽ കവലവരെയുള്ള ഭാഗത്തെ ടാറിംഗ് കുത്തി പൊളിച്ചതിനു ശേഷമാണ് പുതിയ ടാറിംഗ് നടത്തുന്നത്.






