മൂന്നാർ: ദേവികുളം താലൂക്കിലെ നെല്ലിപ്പെട്ടിക്കുടി (മറയൂർ), തീർഥമലക്കുടി (കാന്തല്ലൂർ) എന്നീ ഉന്നതികളിലേക്ക് നേരിട്ട് ഭക്ഷ്യധാന്യങ്ങൾ എത്തിക്കുന്ന സഞ്ചരിക്കുന്ന റേഷൻകട പദ്ധതിയുടെ ഉദ്ഘാടനം ഇന്ന് മന്ത്രി അനൂപ് ജേക്കബ് നിർവഹിക്കും.
സംസ്ഥാന സർക്കാരിന്റെ നൂറുദിന കർമപരിപാടിയുടെ ഭാഗമായാണ് പദ്ധതി നടപ്പിലാക്കുന്നത്.
ഉച്ചയ്ക്ക് ശേഷം രണ്ടിന് മറയൂർ ഗവ. എൽ.പി സ്കൂൾ ഗ്രൗണ്ടിൽ നടക്കുന്ന ചടങ്ങിൽ എഫ്. രാജ എം.എൽ.എ അദ്ധ്യക്ഷത വഹിക്കും.
ഡീൻ കുര്യാക്കോസ് എം.പി മുഖ്യപ്രഭാഷണം നടത്തും.
ജില്ലാ പഞ്ചായത്തംഗം ആർ. ഈശ്വരൻ, ദേവികുളം സബ് കളക്ടർ വി.എം. ആര്യ, ഗ്രാമപഞ്ചായത്ത് പ്രസിഡന്റുമാരായ ജോമോൻ തോമസ്,
എസ്. ശിവരാജ്, വൈസ് പ്രസിഡന്റുമാരായ ദീപ അരുൾ ജ്യോതി, സത്യ രാജ, ബ്ലോക്ക് പഞ്ചായത്തംഗങ്ങളായ ഉഷ ഹെന്റി, കെ.പി. രാജൻ, പി.ജെ. ഭാഗ്യരാജ്, ജില്ലാ സപ്ലൈ ഓഫീസർ ബീന ഭദ്രൻ എന്നിവർ പങ്കെടുക്കും
