കോട്ടയം : മെസ്സിയെ കാണാൻ മലയാളികൾക്ക് സുവർണ്ണാവസരം ഉണ്ടാകുമെന്ന സോഷ്യൽ മീഡിയ പോസ്റ്റ് വൈറൽ ആകുന്നു. കോട്ടയത്തെ അഭിഭാഷകനായ അഡ്വ: രഞ്ചിത് ജോൺ ഇട്ട പോസ്റ്റാണ് ഇപ്പോൾ ചർച്ചയാകുന്നത്.
ആൻ്റോ അഗസ്റ്റിൻ പ്രതിയായ കേസിൽ പ്രതിഭാഗം കേസ് സത്യമെന്ന് തെളിയിക്കാൻ വേണ്ടി മെസിയെ സാക്ഷിയാക്കി കൊണ്ട് വന്ന് വിസ്തരിക്കുമെന്നാണ് ആക്ഷേപ ഹാസ്യ രീതിയിൽ അദ്ദേഹം സോഷ്യൽ മീഡിയയിൽ പോസ്റ്റിൽ പറയുന്നത്.
പ്രതിഭാഗം സാക്ഷിയാക്കി വിസ്തരിക്കാൻ മെസ്സിയെ കേരളത്തിൽ കൊണ്ട് വരും എന്നും അങ്ങനെ എങ്കിലും മലയാളികൾക്ക് മെസ്സിയെ കാണാൻ അവസരം ഉണ്ടാകുമെന്ന് പ്രതീക്ഷിക്കാമെന്നുമാണ് പോസ്റ്റിൽ വ്യക്തമാക്കുന്നത്.
കേരളത്തിലേക്കുള്ള മെസിയുടെ വരവ് ചർച്ചയാകാൻ തുടങ്ങിയിട്ട് കുറെ കാലങ്ങളായി. അർജന്റീന കേരളത്തിൽ കളിയ്ക്കാൻ എത്തുമെന്ന വാഗ്ദാനം പാഴ്വാക്കായതിന് പിന്നാലെയാണ് അതിന്റെ പേരിലുള്ള തട്ടിപ്പ് ചർച്ചയായത്. അതിപ്പോൾ ആന്റോ അഗസ്റ്റിന്റെ അറസ്റ്റിൽ വരെ എത്തി നിൽക്കുകയാണ്. ഈ സാഹചര്യത്തിലാണ് കേസിൽ സാക്ഷിയായി വിസ്തരിക്കാൻ പ്രതിഭാഗം മെസിയെ കേരളത്തിൽ കൊണ്ടുവരുമെന്ന് പരിഹസിച്ച് അഡ്വ. രഞ്ജിത് ജോൺ സോഷ്യൽ മീഡിയയിൽ പോസ്റ്റ് പങ്കുവച്ചത്.
