കോട്ടയം: കേരളത്തിൽ കൂണുപോലെ മുളച്ചുപൊന്തുന്ന അനധികൃത വഴിയോര വ്യാപാരം നിയന്ത്രണ വിധേയമാക്കണം എന്ന് ആവശ്യപ്പെട്ട് കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡണ്ട് രാജു അപ്സരയുടെ നേതൃത്വത്തിൽ നടക്കുന്ന സമര പോരാട്ടങ്ങളിൽ
കേരള മൊബൈൽ ഫോൺ റീട്ടെയ്‌ലേഴ്‌സ് അസോസിയേഷൻ (MRRA കേരള ) ശക്തമായ പിന്തുണയുമായി സമരരംഗത്തിറങ്ങും.
വ്യാപാരികളുടെ ഉപജീവനത്തിനും അതിജീവനത്തിനും വേണ്ടി ആത്മാർത്ഥമായി പ്രവർത്തിക്കുന്ന ജനകീയ നേതാവ് രാജു അപ്സരയെ ഒറ്റപ്പെടുത്തി ആക്രമിക്കാനുള്ള രാഷ്ട്രീയ ഗൂഢാലോചനക്കെതിരെ ശക്തമായ പ്രതിരോധം തീർക്കുമെന്നും സംസ്ഥാന പ്രവർത്തക സമ്മേളനം ഉദ്ഘാടനം ചെയ്തു കൊണ്ട് അസോസിയേഷൻ സംസ്ഥാന പ്രസിഡന്റ് ശിവ ബിജു അറിയിച്ചു.
കോട്ടയം പുത്തൻപുര ഓഡിറ്റോറിയത്തിൽ നടന്ന പ്രവർത്തക സമ്മേളനത്തിൽ സംസ്ഥാന ട്രഷറർ നൗഷാദ് പനച്ചിമൂട്ടിൽ അധ്യക്ഷനായിരുന്നു ആലപ്പുഴ ജില്ലാ പ്രസിഡന്റും സംസ്ഥാന സെക്രട്ടറി യുമായ ശിവജി അറ്റ്ലസ് പ്രമേയം അവതരിപ്പിച്ചു സംസ്ഥാന ജനറൽ സെക്രട്ടറി സനറ്റ് പി മാത്യു സ്വാഗതവും സംസ്ഥാന വൈസ് പ്രസിഡണ്ട് ഹാരിസ് ഈരാറ്റുപേട്ട കൃതജ്ഞതയും പറഞ്ഞു.
