തിരുവനന്തപുരം: കേരളത്തിലെ വിവിധ ജില്ലകളില്‍ അടുത്ത 3 മണിക്കൂറില്‍ ഒറ്റപ്പെട്ടയിടങ്ങളില്‍ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട് എന്നീ ജില്ലകളിലാണ് മഴ മുന്നറിയിപ്പുള്ളത്.
അതേസമയം, നവംബർ 11 മുതല്‍ 13 വരെ സംസ്ഥാനത്ത് ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് വ്യക്തമാക്കി.
ഇടിമിന്നല്‍ മനുഷ്യരുടെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകള്‍ക്കും വലിയ നാശനഷ്ടം വരുത്തിവെക്കാൻ സാധ്യതയുള്ളതിനാല്‍ പൊതുജനങ്ങള്‍ മുൻകരുതലുകള്‍ പാലിക്കണമെന്ന് അധികൃതർ നിർദേശിച്ചു.
പ്രധാന ജാഗ്രതാ നിർദേശങ്ങള്‍: സുരക്ഷിത സ്ഥാനങ്ങളിലേക്ക് മാറുക: ഇടിമിന്നലിന്റെ ആദ്യ ലക്ഷണം കണ്ടാല്‍ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. തുറസായ സ്ഥലങ്ങളിലും ടെറസിലും നില്‍ക്കുന്നതും കുട്ടികള്‍ കളിക്കുന്നതും ഒഴിവാക്കുക.ജനലുകളും വാതിലുകളും അടച്ചിടുക: ശക്തമായ കാറ്റും മിന്നലുമുള്ളപ്പോള്‍ വീടിന്റെ വാതിലുകളും ജനലുകളും അടച്ചിടണം. ഭിത്തിയിലോ തറയിലോ സ്പർശിക്കാതെ കെട്ടിടത്തിനകത്ത് കഴിയുക.വൈദ്യുതോപകരണങ്ങള്‍ ശ്രദ്ധിക്കുക: ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കുക. ലാൻഡ് ഫോണുകള്‍ ഉപയോഗിക്കരുത്
