കോഴിക്കോട് : അരിക്കുളത്ത് വാടക വീട്ടില് അബോധാവസ്ഥയില് കണ്ടെത്തിതിനെ തുടര്ന്ന് ചികിത്സയിലായിരുന്ന പയ്യോളി സ്വദേശിനി മരിച്ചു. പയ്യോളി താരയില് വിരുന്നുകണ്ടി ഷമീമ (28) ആണ് മരിച്ചത്. ആറ് മാസം ഗര്ഭിണിയായിരിക്കെ ഒന്നര മാസം മുമ്പാണ് പയ്യോളി സ്വദേശിനി ഷെമീമയെ അബോധാവവസ്ഥയില് കണ്ടെത്തിയത്. മരണത്തില് സംശയമുണ്ടെന്നും അന്വേഷണം വേണമെന്നുമുള്ള ബന്ധുക്കളുടെ പരാതിയെ തുടര്ന്ന് അസ്വാഭാവിക മരണത്തിന് കേസെടുത്തു.
കൊയിലാണ്ടി അരിക്കുളത്ത് വാടക വീട്ടില് താമസിച്ച് വന്നിരുന്ന യുവതിയാണ് മരിച്ചത്. ഷെമീമയ്ക്ക് 28 വയസായിരുന്നു. ഒന്നര മാസമായി ഇവര് കോഴിക്കോട് മെഡിക്കല് കോളേജില് ചികിത്സയിലായിരുന്നു. ഇന്ന് പുലര്ച്ചെയോടെയാണ് മരണം സ്ഥിരീകരിച്ചത്. ഒന്നര മാസമായി യുവതി വെന്റിലേറ്ററിലായിരുന്നു.
ഷെമീമ വിളിച്ചിട്ട് ഫോണെടുക്കാതെ വന്നതോടെ ഷെമീമയുടെ അമ്മ വാടക വീട്ടിലേക്ക് നേരിട്ടെത്തിയപ്പോഴായിരുന്നു യുവതിയെ അബോധാവസ്ഥയില് കണ്ടെത്തിയത്. സംഭവത്തില് അടിമുടി ദുരൂഹതയെന്നാണ് യുവതിയുടെ ബന്ധുക്കളുടെ ആരോപണം.
