മീനങ്ങാടി: മീനങ്ങാടി ഹൈവേ കവര്‍ച്ച കേസില്‍ മൂന്ന് പേര്‍ കൂടി അറസ്റ്റില്‍.
ഇതോടെ കേസില്‍ അറസ്റ്റിലായവരുടെ എണ്ണം അഞ്ചായി.
കണ്ണൂര്‍ സ്വദേശികളായ മണത്തണ സ്വദേശി പി. പ്രണവ് (24), കെ. കനകരാജ് (28), കണ്ണൂര്‍ ചൊക്ലി പെരിങ്ങളം സ്വദേശി നിഥുല്‍ കുമാര്‍ (29) എന്നിവരെയാണ് പോലീസ് പിടികൂടിയത്.
പ്രണവിനെയും കനകരാജിനെയും പേരാവൂര്‍ എടത്തൊട്ടിയില്‍നിന്നും നിഥുല്‍ കുമാറിനെ കണ്ണൂര്‍ കണ്ണമ്പള്ളിയില്‍നിന്നുമാണ് പോലീസ് കസ്റ്റഡിയിലെടുത്തത്.
തുടര്‍ന്ന് ഇവരെ മീനങ്ങാടി പോലീസ് സ്റ്റേഷനിലെത്തിച്ചു.
കേസില്‍ കണ്ണൂര്‍ സ്വദേശികളായ എം. രഞ്ജു (32), സൗരവ് സുനില്‍ (26) എന്നിവരെ സംഭവദിവസം തന്നെ പോലീസ് പിടികൂടിയിരുന്നു.
ഇവര്‍ ഉള്‍പ്പെടെ കേസില്‍ ഇതുവരെ അഞ്ചുപേരാണ് അറസ്റ്റിലായത്.
