തിരുവനന്തപുരം : മുഖ്യമന്ത്രിക്കെതിരെ വീണ്ടും കടുത്ത വിമർശനവുമായി പ്രതിപക്ഷ നേതാവ് പിണറായി വിജയൻ. വൈദ്യുതി വാങ്ങൽ വിവാദത്തിലാണ് പ്രതിപക്ഷ നേതാവ് കടുത്ത വിമർശനവുമായി വീണ്ടും രംഗത്തെത്തിയത്. സതീശന്റെ നീക്കങ്ങൾ പൊളിഞ്ഞുവീഴുകയാണ്. ഡയലോഗ് അടിച്ചാൽ തെറ്റ് വെളുക്കില്ല. രേഖകൾ ചോദിക്കുമ്പോൾ മുൻ സർക്കാരിന്റെ മെക്കിട്ടുകയറുന്നത് ശുദ്ധ ഭീരുത്വമാണെന്നും മുഖ്യമന്ത്രി വിവരക്കേടുകളെ വീരവാദമാക്കുന്നുവെന്നും പിണറായി പറഞ്ഞു.
മുഖ്യമന്ത്രി ജനങ്ങളെ കൊഞ്ഞനം കുത്തുകയാണെന്നും ഈ ശൈലി സ്വന്തം പോക്കറ്റിൽ വെച്ചാൽ മതിയെന്നും പ്രതിപക്ഷ നേതാവ് വിമർശിച്ചു. ഹിമാചൽ വൈദ്യുതി വാങ്ങണമെന്ന് താൻ വാദിച്ചിട്ടില്ല. സണ്ണി ജോസഫിന്റെ സാക്ഷ്യപ്പെടുത്തൽ രാഷ്ട്രീയ നാണക്കേടെന്നും പിണറായി വിജയൻ പറഞ്ഞു.
സ്വന്തം മന്ത്രിയെപ്പോലും ഇരുട്ടിൽ നിർത്തി മുഖ്യമന്ത്രി നേരിട്ട് നടത്തിയ ഈ നിഗൂഢ നീക്കങ്ങളിലെയും അദൃശ്യ സംഘങ്ങളുടെ ഇടപെടലുകളിലെയും പൂർണ്ണ സത്യം പുറത്തുവരുന്നതുവരെ, മുഖ്യമന്ത്രിയുടെ പരിഹാസങ്ങൾക്ക് മുന്നിൽ മുട്ടുമടക്കാതെ ശക്തമായ രാഷ്ട്രീയ പോരാട്ടവുമായി ഞങ്ങൾ ജനങ്ങൾക്കൊപ്പമുണ്ടാകും.ഈ വിഷയത്തിൽ എല്ലാ വസ്തുതകളും നിയമത്തിനും ജനങ്ങൾക്കും മുന്നിൽ പുറത്തു വരാൻ ജുഡീഷ്യൽ അന്വേഷണം നടത്തിയേ തീരൂ എന്നും മുഖ്യമന്ത്രി പറഞ്ഞു.
