കൊച്ചി: കുടുംബ പ്രശ്നങ്ങള് പരിഹരിക്കാൻ പൂജ ചെയ്യാമെന്ന് പറഞ്ഞ് കൂട്ടിക്കൊണ്ടുപോയ യുവതിയെ ലൈംഗികമായി പീഡിപ്പിച്ച കേസില് ഇടുക്കി കുമളി സ്വദേശി പ്രിൻസ് എബ്രഹാമിനെ ആലുവ പൊലീസ് അറസ്റ്റ് ചെയ്തു..2024 മാർച്ച് 23നാണ് കേസിന് ആസ്പദമായ സംഭവം നടന്നത്.
മദ്യം നല്കി പീഡിപ്പിച്ച ശേഷം അതിന്റെ ദൃശ്യങ്ങള് പകർത്തി, യുവതിയെയും കുടുംബത്തെയും ഭീഷണിപ്പെടുത്തി തുടർന്നും പീഡിപ്പിച്ചെന്നാണ് പരാതി.ഭീഷണിപ്പെടുത്തി പണവും സ്വർണവും കൈക്കലാക്കിയെന്നും പരാതിയില് പറയുന്നു.
തൃശ്ശൂരില് നിന്ന് പൂജയ്ക്കെന്ന പേരില് യുവതിയെ കൊണ്ടുപോയ ശേഷം ആലുവയിലെ ലോഡ്ജില് എത്തിച്ച് മദ്യം നല്കി പീഡിപ്പിച്ചെന്നാണ് പരാതിയില് പറയുന്നത്.
പകർത്തിയ പീഡന ദൃശ്യങ്ങള് യുവതിയുടെ ബന്ധുക്കള്ക്ക് അയയ്ക്കുകയും സാമൂഹിക മാധ്യമങ്ങളില് പ്രചരിപ്പിച്ചതായും ഭീഷണിപ്പെടുത്തുകയും ചെയ്തതായും പരാതിയില് പറയുന്നു.സംഭവത്തെ തുടർന്ന് കുടുംബവും ജോലിയും നഷ്ടപ്പെട്ട യുവതി പിന്നീട് ആലുവ പൊലീസില് പരാതി നല്കി.
