തിരുവനന്തപുരം : തിരുവനന്തപുരം മെഡിക്കൽ കോളേജിലെ മോർഫിംഗ് കേസിൽ പ്രതിയായ ഏബൽ അഗസ്റ്റിനെതിരെ അഞ്ച് എഫ്ഐആർ രജിസ്റ്റർ ചെയ്തു. കൂടുതൽ വിദ്യാർഥികൾ പരാതി നൽകിയ സാഹചര്യത്തിൽ ആണ് നടപടി. ഏബലിനെ ഇന്ന് കോടതിയിൽ ഹാജരാക്കും. കസ്റ്റഡിയിൽ വാങ്ങി കൂടുതൽ ചോദ്യം ചെയ്യാൻ ആണ് പൊലീസ് നീക്കം.
തിരുവനന്തപുരം മെഡിക്കല് കോളേജിലെ മൂന്നാം വര്ഷ വിദ്യാര്ത്ഥിയാണ് ഏബല് അഗസ്റ്റിന്. വയനാട് കാക്കവയല് സ്വദേശിയും മെഡിക്കല് കോളേജിലെ മൂന്നാംവര്ഷ എംബിബിഎസ് വിദ്യാര്ത്ഥിയുമായ ഏബല് കേസിലെ ഒന്നാം പ്രതിയാണ്. സംഭവത്തില് ഇരുപതിലേറെ വിദ്യാര്ത്ഥിനികള് ഇരയായിട്ടുണ്ടെന്നാണ് പൊലീസ് പറയുന്നത്.
ഏബലിനെ മെഡിക്കല് കോളേജില് നിന്ന് സസ്പെന്ഡ് ചെയ്തു. പൊലീസ് കസ്റ്റഡിയിലെടുക്കുകയും ക്രിമിനല് കേസ് രജിസ്റ്റര് ചെയ്യുകയും ചെയ്ത പശ്ചാത്തലത്തിലാണ് സസ്പെന്ഷന്. പ്രതി ചിത്രങ്ങള് മോര്ഫ് ചെയ്ത് അശ്ലീല കുറിപ്പുകളോടെ ടെലഗ്രാമിലൂടെ പ്രചരിപ്പിച്ചുവെന്നാണ് പൊലീസിന്റെ കണ്ടെത്തല്.
