ചങ്ങനാശേരി: കോട്ടയം ജില്ലയിലെ നൂറുകണക്കിന് തയ്യല് തൊഴിലാളി ക്ഷേമനിധി പെന്ഷന്അംഗങ്ങള്ക്ക് സെപ്റ്റംബര് മാസത്തെ ക്ഷേമനിധി പെന്ഷൻ മുടങ്ങി.
ക്ഷേമനിധി അംഗങ്ങളായ ധാരാളം പേര് പരാതിയുമായി കോട്ടയത്ത് ക്ഷേമനിധി ഓഫീസില്നേരിട്ടെത്തി വിവരം ആരാഞ്ഞപ്പോള് സര്ക്കാര് ഉത്തരവ് പ്രകാരം പെന്ഷന് സോഫ്റ്റ് വെയറില് (സേവന) ആധാര് ഒതന്റിക്കേഷന് പൂര്ത്തിയാക്കിയവര്ക്ക് മാത്രമേ സെപ്റ്റംബറിലെ പെന്ഷന് വിതരണം ചെയ്തിട്ടുള്ളുവെന്നാണ് മറുപടി നല്കിയത്. എന്നാല് ഇക്കാര്യം മുന്കൂര് അറിയിച്ചില്ലെന്നാണ് പെന്ഷന് നിഷേധിക്കപ്പെട്ടവര് ചൂണ്ടിക്കാട്ടുന്നത്.
ക്ഷേമനിധി ഓഫീസില് ആധാര് പകര്പ്പ് ഹാജരാക്കി ആധാര് ഓതന്റിഫിക്കേഷന് പൂര്ത്തീകരിച്ചാല് മാത്രമേ തുടര്ന്ന് പെന്ഷന് ലഭിക്കുകയുള്ളുവെന്ന ജില്ലാ എക്സികുട്ടീവ് ഓഫീസറുടെ അറിയിപ്പില് പറയുന്നു. ആധാര് ഒതന്റിഫിക്കേഷന് പെന്ഷന്കാര് നേരിട്ട് ഹാജരാകണമെന്നില്ലെന്നും യൂണിയന് ഭാരവാഹികള് മുഖാന്തിരമോ തപാലിലൂടെയോ ഏറ്റവും പുതിയ ആധാര് കാര്ഡ് ലഭ്യമാക്കണമെന്നും ജില്ലാ എക്സിക്യൂട്ടീവ് ഓഫീസറുടെ അറിയില്പ്പില് ചൂണ്ടിക്കാട്ടുന്നുണ്ട്.
പരാതിയുമായി ക്ഷേമനിധി അംഗങ്ങള്
ക്ഷേമനിധി അംഗങ്ങള് പരാതിയുമായി ഓഫീസില് ചെന്നപ്പോള് മാത്രമാണ് ഇതു സംബന്ധിച്ച്‌ അറിയിപ്പു നോട്ടീസ് അധികൃതര് കാണിച്ചത്. ഓഗസ്റ്റ് മാസത്തില് തന്നെ ഇതുസംബന്ധിച്ച അറിയിപ്പ് ക്ഷേമനിധി അംഗങ്ങള്ക്ക് ലഭിച്ചിരുന്നെങ്കില് സെപ്റ്റംബറിലെ പെന്ഷന് വാങ്ങുന്നതിന് തടസം ഉണ്ടാകില്ലായിരുന്നു. ഈ വിഷയം മാധ്യമങ്ങളിലൂടെ അറിയിച്ചാല് ബുദ്ധിമുട്ടുണ്ടാകുമായിരുന്നില്ല.
തയ്യല് തൊഴിലാളി ക്ഷേമനിധി പെന്ഷനര്
ഉദ്യോഗസ്ഥരുടെ അനാസ്ഥമൂലം
ജില്ലാ ക്ഷേമനിധി ഓഫീസിന്റെ നിരുത്തരവാദപരമായ പ്രവൃത്തി മൂലമാണ് പാവപ്പെട്ട ക്ഷേമനിധി അംഗങ്ങള്ക്ക് സെപ്റ്റംബര് മാസത്തെ ക്ഷേമനിധി പെന്ഷന്മുടങ്ങിയത്. ഇത് അംഗീകരിക്കാനാകില്ല. പെന്ഷന് നിഷേധിച്ചാല് ശക്തമായ സമരം സംഘടിപ്പിക്കുമെന്ന് ആര്ജെഡി
കോട്ടയം, ജില്ലാപ്രസിഡന്റ്
സണ്ണി തോമസ് വ്യക്തമാക്കി.
