പനാമ സിറ്റി: പനാമയില്‍ റിക്ടർ സ്കെയിലില്‍ 7.6 തീവ്രത രേഖപ്പെടുത്തിയ വൻ ഭൂചലനം.
വ്യാപക നാശനഷ്ടമെന്നാണ് പ്രാഥമിക റിപ്പോർട്ട്.
റെയില്‍, റോഡ് ഗതാഗതം താറുമാറായി. വൈദ്യുതി വിതരണം തടസ്സപ്പെട്ടു.
മധ്യ അമേരിക്കയുടെ തെക്കൻ തീരങ്ങളില്‍ സുനാമി മുന്നറിയിപ്പുണ്ട്.
മധ്യ-തെക്കൻ പനാമയിലെ പിറ്റാലോസ അരീബ എന്ന ചെറിയ പട്ടണത്തില്‍ നിന്ന് 10 കിലോമീറ്റർ അകലെയാണ് ഭൂകമ്പത്തിന്റെ പ്രഭവകേന്ദ്രമെന്ന് യുഎസ് ജിയോളജിക്കല്‍ സർവേ അറിയിച്ചു.
ഭൂമിക്കടിയില്‍ 12 കിലോമീറ്റർ മാത്രം താഴ്ചയിലാണ് ഉണ്ടായത് എന്നതിനാല്‍ ഇതിന്റെ ആഘാതം കൂടുതല്‍ ശക്തമാകാൻ സാധ്യതയുണ്ടെന്ന് അധികൃതർ വ്യക്തമാക്കി. നാല്‍പ്പതോളം തുടർ ചലനങ്ങള്‍ ഉണ്ടായെന്നാണ് റിപ്പോർട്ട്.
