തിരുവനന്തപുരം: ചിറയിൻകീഴില്‍ പിടികൂടിയ പാമ്പിന്റെ കടിയേറ്റ് പാമ്പുപിടുത്തക്കാരൻ മരിച്ചു. ഈഞ്ചക്കല്‍ വലിയ എലായില്‍ വാടകയ്ക്ക് താമസിച്ച്‌ വന്നിരുന്ന 'കണ്ണൻ' എന്നറിയപ്പെടുന്ന സന്ദീപ് (33) ആണ് മരിച്ചത്.
കഴിഞ്ഞ ദിവസം വൈകുന്നേരത്തോടെയായിരുന്നു സംഭവം.
പിടികൂടിയ പാമ്പുമായി വീട്ടില്‍ തിരിച്ചെത്തിയതിന് പിന്നാലെയാണ് സന്ദീപിന് കടിയേറ്റത്. ഉടൻ തന്നെ ഇയാളെ ചിറയിൻകീഴ് താലൂക്ക് ആശുപത്രിയില്‍ എത്തിച്ച്‌ അടിയന്തര വൈദ്യസഹായം ലഭ്യമാക്കിയെങ്കിലും ജീവൻ രക്ഷിക്കാനായില്ല. ആശുപത്രിയില്‍ ചികിത്സയില്‍ കഴിയവേ ഇന്ന് പുലർച്ചെയോടെയായിരുന്നു അന്ത്യം.
