പാലാ: വെട്ടിമാറ്റാൻ തീരുമാനിച്ചിരുന്ന ഓറഞ്ച് മരത്തില് അപ്രതീക്ഷിതമായി നൂറുകണക്കിന് കായ്കള് നിറഞ്ഞത് അകലക്കുന്നം പഞ്ചായത്തിലെ മറ്റക്കര പാദുവ കൂർക്കമറ്റത്ത് ആനന്ദം നിറയ്ക്കുകയാണ്.
റിട്ട. അധ്യാപകനും സമ്മിശ്ര കർഷകനുമായ ജോർജ് ജോസഫിന്റെ പുരയിടത്തിലെ ഇരുപത് വർഷം പഴക്കമുള്ള ഓറഞ്ച് മരമാണ് നിറയെ കായ്ച്ചത്.
ഭാര്യ റജി ജോർജ്ജ് വാങ്ങിയ ഓറഞ്ചിന്റെ വിത്ത് കിളിർത്തപ്പോള് തൈയ്യാക്കി പറിച്ചുനടുകയായിരുന്നു. തുടക്കത്തില് കുറച്ച് കായ്കള് ലഭിച്ചു. അതാ .കട്ടെ കൈയ്പും. 2013ല് നല്ല വിളവ് ലഭിച്ചെങ്കിലും പിന്നീട് പന്ത്രണ്ട് വർഷം കായ്ച്ചില്ല. പിന്നാലെ വെട്ടിമാറ്റാൻ തീരുമാനം. അവസാനശ്രമം എന്ന നിലയില് മരത്തിന്റെ ചുവട്ടില് ഉപ്പും കുമ്മായവും ആട്ടിൻചാണകവും വളവും വിതറി. ഇതോടെ മരം നിറയെ പൂക്കളും കായ്കളും വന്നു. രണ്ടായിരത്തിലധികം കായ്കള് ഉണ്ടായതില് ആയിരത്തിലധികം ഓറഞ്ച് ഇപ്പോഴും മരത്തിലുണ്ട്. മധുരമുള്ള ഓറഞ്ചുകള് നാട്ടുകാർക്കും സന്ദർശകർക്കും സമ്മാനിക്കുകയാണ് ജോർജ് ജോസഫ്
