ചങ്ങനാശ്ശേരി: ഇതരസംസ്ഥാന തൊഴിലാളികൾ തിങ്ങിവസിക്കുന്ന പായിപ്പാട്ട് ഓപ്പറേഷൻ തൂഫാൻ റാലിയും സമ്മേളനവും ജൂലൈ 28ന് നടക്കും. രാവിലെ 11ന് നടക്കുന്ന സമ്മേളനത്തിൽ ആഭ്യന്തരമന്ത്രി രമേശ് ചെന്നിത്തല പങ്കെടുക്കും.
ചങ്ങനാശേരി നഗരസഭയുടെയും പായിപ്പാട്, മാടപ്പള്ളി, തൃക്കൊടിത്താനം, പായിപ്പാട് പഞ്ചായത്തുകളുടെയും സംയുക്താഭിമുഖ്യത്തിലാണ് സമ്മേളനവും റാലിയും സംഘടിപ്പിക്കുന്നത്.
രാസലഹരിയുൾപ്പെടുന്ന മയക്കുമരുന്നു വില്പ്പനക്കാരെയും ഇടനിലക്കാരെയും അടിച്ചമർത്തുന്നതിനും ലഹരി ഉപയോഗിക്കുന്നവരെ ബോധവത്ക്കരിക്കുന്നതിനും വേണ്ടിയാണ് റാലിയും സമ്മേളവനും സംഘടിപ്പിച്ചിരിക്കുന്നത്.
വിനു ജോബ് എംഎൽഎ നഗരസഭാ ചെയർമാൻ, വിവിധ പഞ്ചായത്ത് പ്രസിഡന്റ്മാർ, എന്നിവർ കമ്മിറ്റി പരിപാടിക്കുള്ള നടപടി ക്രമങ്ങൾ ഏകോപിപ്പിച്ചുവരികയാണ്. വിവിധ കോളേജുകൾ , സ്കൂളുകൾ , ഇതര സ്ഥാപനങ്ങൾ തുടങ്ങിയവരും പൊതുജനങ്ങളും റാലിയിലും സമ്മേളനത്തിലും പങ്കാളികളാകും.
