രുവനന്തപുരം: സരള്‍ കേരള ബില്ല് ഇന്ന് നിയമസഭയില്‍ അവതരിപ്പിക്കും. ഇന്നലെ മുഖ്യമന്ത്രി വി ഡി സതീഷന്‍റെ അധ്യക്ഷതയില്‍ ചേർന്ന മന്ത്രിസഭാ യോഗം സരള്‍ കേരള പദ്ധതിക്ക് അംഗീകാരം നല്‍കിയിരുന്നു.
സംസ്ഥാനത്ത് സുഗമമായ വ്യവസായ സൗഹൃദ അന്തരീക്ഷം സൃഷ്ടിക്കുന്നതിനൊപ്പം പുതിയ നിക്ഷേപങ്ങള്‍ ആകർഷിക്കുക, വ്യവസായ സംരംഭങ്ങള്‍ക്ക് ആവശ്യമായ ലൈസൻസുകളും പെർമിറ്റുകളും കൃത്യസമയത്ത് ലഭ്യമാക്കുക എന്നിവയാണ് പദ്ധതിയുടെ പ്രധാന ലക്ഷ്യം.
ഇതിനായി 'വണ്‍ സ്റ്റേറ്റ്, വണ്‍ അപ്രൂവല്‍, വണ്‍ ഡോക്യുമെന്‍റ്' എന്ന ആശയത്തിന്‍റെ അടിസ്ഥാനത്തില്‍ എല്ലാ അനുമതികളും ഒരൊറ്റ ചാനലിലൂടെ നല്‍കാൻ 'സിംഗിള്‍ സ്റ്റാറ്റ്യൂട്ടറി അതോറിറ്റി' രൂപീകരിക്കും. പദ്ധതി നടപ്പിലാക്കുന്നതിന്‍റെ ഭാഗമായി നിലവിലുള്ള 19 നിയമങ്ങളില്‍ സുപ്രധാനമായ ഭേദഗതികള്‍ വരുത്താനും മന്ത്രിസഭ തീരുമാനിച്ചിട്ടുണ്ട്.
